បាងកក៖ គណបក្សប្រឆាំងរបស់ប្រទេសថៃទទួលបានជ័យជម្នះក្នុងការបោះឆ្នោតដ៏គួរឱ្យភ្ញាក់ផ្អើលមួយកាលពីថ្ងៃអាទិត្យ ទី១៤ ខែឧសភា ឆ្នាំ ២០២៣។
ការបោះឆ្នោតកាលពីថ្ងៃអាទិត្យគឺជាការប្រកួតចុងក្រោយបង្អស់នៅក្នុងសមរភូមិដ៏យូរអង្វែង រវាងគណបក្សភឿថៃដឹកនាំដោយគ្រួសារមហាសេដ្ឋី ស៊ីណាវ៉ាត្រា និងក្រុមយោធាដែលនាំឱ្យមានការតវ៉ាជាច្រើនឆ្នាំ។ ប៉ុន្តែគួរឱ្យភ្ញាក់ផ្អើលគណបក្ស Move Forward ទទួលបានការគាំទ្រពីអ្នកបោះឆ្នោតវ័យក្មេងយ៉ាងច្រើន។លទ្ធផលបឋមបង្ហាញថាគណប្ស Move Forward បានឈ្នះទីមួយនិងតាមពីក្រោយដោយគណបក្សភឿថៃ។ យោងតាមការគណនារបស់ Reuters គណបក្សទាំងពីរនឹងឈ្នះចំនួនអាសនៈច្រើនជាងបីដងនៃចំនួនអាសនៈរបស់គណបក្សPalang Pracharat និងគណបក្ស United Thai Nation ដែលគាំទ្រដោយកងទ័ព។
មេដឹកនាំគណបក្ស Move Forward គឺលោក Pita Limjaroenrat អាយុ ៤២ ឆ្នាំ បានពណ៌នាថា “គួរឱ្យចាប់អារម្មណ៍” ហើយបានប្តេជ្ញាថានឹងរក្សាតម្លៃសច្ចភាពគណបក្សនៅពេលបង្កើតរដ្ឋាភិបាល។លោកបានប្រាប់អ្នកយកព័ត៌មានថា៖ «ច្បាស់ណាស់ជាគណបក្សដែលប្រឆាំងនឹងរបបផ្តាច់ការដែលគាំទ្រដោយយោធា។លោកបាននិយាយថា លោកនៅតែបើកចំហក្នុងការចងសម្ព័ន្ធភាពជាមួយបក្សភឿថៃ។លោកបាននិយាយនៅលើ Twitter ថា “ឥឡូវនេះវាច្បាស់ណាស់ថាគណបក្ស Move Forward បានទទួលការគាំទ្រដ៏លើសលប់ពីប្រជាជនទូទាំងប្រទេស” ។
លទ្ធផលឆ្នោតបឋមនេះនឹងវាយប្រហារយ៉ាងខ្លាំងលើក្រុមយោធា និងសម្ព័ន្ធមិត្ត។ ប៉ុន្តែដោយច្បាប់របស់ថៃ និងមានឥស្សរជនមានឥទ្ធិពលនៅពីក្រោយក្រុមយោធា ពួកគេនៅតែអាចមានតួនាទីក្នុងរដ្ឋាភិបាល។នាយករដ្ឋមន្ត្រី Prayut Chan-o-cha ដែលជាឧត្តមសេនីយចូលនិវត្តន៍ដែលបានដឹកនាំរដ្ឋប្រហារចុងក្រោយបានធ្វើយុទ្ធនាការបន្តបន្ទាប់ក្នុងការកាន់អំណាចរយៈពេលប្រាំបួនឆ្នាំរបស់លោក។លោកព្រមានថាការផ្លាស់ប្តូររដ្ឋាភិបាលអាចនាំឱ្យមានជម្លោះ។កាលពីថ្ងៃអាទិត្យ លោកប្រាយុទ្ធបានដើរចេញពីទីស្នាក់ការគណបក្ស United Thai Nation ដោយស្ងាត់ស្ងៀម ដែលមានអ្នកគាំទ្រតិចតួច។លោក ប្រាយុទ្ធ បានប្រាប់អ្នកយកព័ត៌មានថា “ខ្ញុំសង្ឃឹមថា ប្រទេសនឹងមានសន្តិភាព និងរីកចម្រើន។ “ខ្ញុំគោរពលទ្ធិប្រជាធិបតេយ្យ និងការបោះឆ្នោត។ សូមអរគុណ”៕
ប្រភព៖ C N A ថ្ងៃទី ១៥ ខែ ឧសភា ឆ្នាំ ២០២៣
