ភ្នំពេញ៖សហភាពសហព័ន្ធយុវជនកម្ពុជាគ្រោងផលិតទូក«ង»ដែលមានប្រវែងជិត១០០ម៉ែត្រនិងចំណុះទូកជាង១៨០នាក់ដើម្បីបំបែកឯតទគ្គកម្មពិភពលោក។
សហភាពសហព័ន្ធយុវជនកម្ពុជាគ្រោងផលិតទូក«ង»វែងបំផុតនៅលើពិភពលោកដើម្បីជាប់ជាកំណត់ត្រាពិពភលោក Guinness World Records។
លោក ស សុខា អនុប្រធានសហភាពសហព័ន្ធយុវជនកម្ពុជាបានប្រាប់អ្នកសារព័ត៌មានថាក្រុមសហភាពសហព័ន្ធយុវជនកម្ពុជាខេត្តព្រែវែងនឹងចាប់ផ្តើមផលិតទូក«ង»ប្រវែង៨៥ម៉ែត្រនិងមានចំណុះទូកចំនួន ១៧៩នាក់ដែលនឹងចាប់ផ្តើមធ្វើនៅដើមខែមិថុនា ឆ្នាំ ២០១៨ខាងមុខ។លោកថាក្នុងសប្តាហ៍នេះក្រុមការងារនឹងដឹកជញ្ជូនឈើនិងសម្ភារៈសម្រាប់ផលិតទូកនេះ។
លោក ស សុខា៖«មានកម្មវិធីមួយគឺកម្មវិធីធ្វើទូកវែងជាងគេទូទាំងពិភពលោក។យើងកំពុងរៀបចំកម្មវិធីនេះចូលទៅកម្មវិធីសង្ក្រាន្តព្រៃវែងយើងផងដែរ។ទូកនេះយើងគ្រោងនឹងធ្វើរហូតមានប្រវែង៨៥ម៉ែត្រដែលអាចនឹងផ្ទុកមនុស្សរហូង១៧៩នាក់។»
លោក ស សុខា បន្ថែម ការធ្វើទូក«ង»វែងជាងគេដើម្បីឈ្នះកំណត់ត្រាពិភពលោក Guinness World Records ដែលទូកនេះនឹងដាក់តាំងបង្ហាញនៅឱពិធីបុណ្យចូលឆ្នាំខ្មែរស្ថិតក្នុងខេត្តព្រៃវែង។
លោក ស សុខា អនុប្រធានសហភាពសហព័ន្ធយុវជនកម្ពុជា បញ្ជាក់ថាបច្ចុប្បន្នទូកវែងបំផុតនៅលើលោកគឺទូករបស់ប្រទេសចិនដែលមានប្រវែង៧៧,៥ម៉ែត្រ។
បច្ចុប្បន្ន សហភាពសហព័ន្ធយុវជនកម្ពុជាក៏បានត្បាញក្រម៉ាវែងជាងគេនៅលើពិភពលោកដែលមានប្រវែង១ពាន់ម៉ែត្រ។
កាលពីឆ្នាំ២០១៥ នំអន្សមយក្សរបស់ខ្មែរបានដាក់បញ្ជូលក្នុងសៀវភៅកំណត់ត្រាឯតទគ្គកម្ម Guinness World Records ដែលបានដាក់បង្ហាញព្រឹត្តិការណ៍អង្គរសង្គ្រាន្តនៅខេត្តសៀមរាប។
នំអន្សមជ្រូកយក្សរបស់ខ្មែរដែលដាក់បង្ហាញនាឱកាសព្រឹត្តិការណ៍អង្គរសង្ក្រាន្តលើកទី៣ នៅខេត្តសៀមរាប ដើម្បីអបអរបុណ្យចូលឆ្នាំថ្មីប្រពៃណីជាតិខ្មែរឆ្នាំមមែនេះ បានជាប់ចំណាត់ឯតទគ្គកម្មថ្មីក្នុងសៀវភៅកំណត់ត្រាវត្ថុប្លែកៗលើពិភពលោក (Guinness World Records)។នំអន្សមយក្សនេះមានទង្ងន់៣២៦៤ពាន់គីឡូក្រាម។
បើតាមអនុប្រធានសហភាពសហព័ន្ធយុវជនកម្ពុជា លោក ស សុខា អះអាងថា ក្រៅពីទូកវែងជាងគេនេះក្រុមសហភាពយុវជនកម្ពុជាក៏នឹងផលិតវត្ថុប្លែងៗមានទំហំយក្សចំនួន៥ផ្សេងទៀត៕
