សមាជិកព្រឹទ្ធសភាសហរដ្ឋអាមេរិកជាច្រើនរូបក្នុងនោះមានលោក Lindsey Graham បានដាក់ការគាប សង្កត់លើលោកដូណាត្រាំថាត្រូវនាំទ័ពចូលលុកលុយប្រទេសវេណេសូអេឡាដើម្បីទំលាក់លោកម៉ាឌូរ៉ូពីអំណាចហើយបញ្ចប់របបផ្ដាច់ការនេះតែម្ដង។
តាមសារព័ត៌មាន រុស្ស៊ីSputnik ក្រុមសមាជិកព្រឹទ្ធសភាចង់អាមេរិកចូលលុកលុយប្រទេសវេណហ្សេអេឡា គឺដូចការចូលលុកលុយប្រទេស Grenada នៅឆ្នាំ១៩៨៣ដែលបញ្ជាផ្ទាល់ដោយអតីតប្រធានាធិបតីRonald Reagan។
សមាជិកព្រឹទ្ធសភារូបនេះបានបញ្ជាក់ដូចនេះថានៅទសវត្ស១៩៨០ការប្រឈមមួយដោយសារតែប្រទេសគុយបាអន្ដរាគមន៍កងទ័ពក្នុងប្រទេសGrenada តែពេលនោះប្រធានាធិបតី Reagan បានសំរេចធ្វើអន្ដរាគមន៍ផ្នែកកងទ័ពដោយបញ្ចប់អំណាចយោធារបស់គុយបានៅក្នុងប្រទេសនេះហើយធ្វើឲ្យប្រទេសនេះចាកផុតពីការចង់បានរបស់គុយបាជារដ្ឋរបស់ខ្លួន។
មាជិកព្រឹទ្ធិសភារូបនេះបានបន្ដទៀតថាលោកត្រាំត្រូវដាក់ប្រទេសគុយបានិងរបបលោកម៉ាឌូរូក្នុងបញ្ជីដែលត្រូវអាមេរិកបញ្ចប់របបរបស់ប្រទេសទាំងពីរនេះដែលនេះជាសារដ៏ច្បាស់លាស់មួយទៅកាន់ជនផ្ដាច់ការនៃប្រទេសទាំងពីរនេះ។
ជាមួយគ្នានេះសមាជិកព្រឹទ្ធិសភាម្នាក់ទៀតរបស់អាមេរិកគឺលោកMaco Robie ក៏បានប្រាប់លោកត្រាំថាមិនត្រូវទុកលោកម៉ាឌូរ៉ូបន្ដកាន់អំណាចហើយធ្វើឲ្យពលរដ្ឋវេណេសូអេឡាបន្ដឈឺចាប់យូរអង្វែងទៀតនោះទេ។សហរដ្ឋអាមេរិកបានប្រកាសដាក់ទណ្ឌកម្មគឺទាំងទណ្ឌកម្មប្រេងការបិទកម្មវិធីស្បៀងអាហារនិងបង្កក់ទ្រព្យសម្បត្តិពួកមន្ដ្រីរបស់លោកម៉ាឌូរ៉ូនិងក្រុមហ៊ុនមួយចំនួនដែលមានទំនាក់ទំនងនិងលោកម៉ាឌូរ៉ូរួចជាស្រេចហើយ។
ទណ្ឌកម្មទាំងនេះត្រូវបានមើលឃើញថាគឺជាការដាក់សម្ពាធដើម្បីឲ្យសេដ្ឋកិច្ចនៃប្រទេសវេណេសូអេឡាដួលរលំ។ត្រាំបានប្រកាសថាលោកជួនកៃដូរជាមេបក្សប្រឆាំងនៃប្រទេសវេណេសូអេឡាដែលចាំបាច់ត្រូវ កាន់តំណែងជំនួសលោកម៉ាឌូរ៉ូក្នុងអន្ដរកាលនេះ។
យ៉ាងណាក៏ដោយលោកម៉ាឌូរ៉ូបានប្រកាសប្រាប់កងទ័ពរបស់លោកដែលនៅមានភក្ដីភាពនិងលោកឲ្យកាន់អាវុធគ្រប់ពេលវេលាដើម្បីត្រៀមទប់ទល់ការឈ្លានពានពីសំណាក់កងទ័ពអាមេរិក។
សូមរំលឹកថាកាលពីឆ្នាំ១៩៨៣ដែលសហរដ្ឋអាមេរិកចូលទៅលុកលុយប្រទេសGrenada ដើម្បីដេញកងទ័ពគុយបាចេញពីប្រទេសនោះគឺអាមេរិកប្រើទ័ព៨ពាន់នាក់ហើយមានរយះពេលតែ១សប្ដាហ៍ប៉ុណ្ណោះ៕
