ភ្នំពេញ៖ សាលារាជធានីភ្នំពេញបានឱ្យដឹងថា គណៈកម្មការរៀបចំកីឡា កងយោធពលខេមរភូមិន្ទនឹងចល័តរថពាសដែក២គ្រឿងនិងរថយន្តយោធា ១៥គ្រឿង មកកាន់មជ្ឈមណ្ឌលពាណិជ្ជកម្មកោះពេជ្រ ហើយត្រឡប់ទៅវិញថ្ងៃទី៩ ខែមករា ឆ្នាំ២០១៧ ដើម្បីអបអរសាទរទិវា ៧មករា លើកទី៣៨។
តាមសេចក្ដីជូនដំណឹងរបស់សាលារាជធានីភ្នំពេញការចល័តនេះ គឺដើម្បីដាក់តាំងពិព័រណ៍យុទ្ធភណ្ឌ ក្នុងកម្មវិធីប្រកួតកីឡាកងយោធពលខេមរភូមិន្ទ ដែលត្រូវផ្លូវឆ្លងកាត់រួមមាន ផ្លូវជាតិលេខ៣ ផ្លូវវេងស្រេង ផ្លូវមុនីរ៉េត និងផ្លូវសុធារស។
ប៉ុន្តែរូបភាពនៃការចល័តកងទ័ពនេះ បានធ្វើឱ្យអ្នកតាមដានបញ្ហាសង្គម ចាត់ទុកជាការគំរាមកំហែង មួយដល់សេចក្តីសុខ និងសន្តិភាពរបស់ពលរដ្ឋ។ ជុំវិញរឿងនេះ លោក ឈុំ សុជាតិ អ្នកពាក្យក្រសួងការពារជាតិ បានផ្ដល់បទសម្ភាសន៍ឱ្យវិទ្យុស្ដ្រីថា ការចល័តកងទ័ពនៅពេលនេះ គឺគ្រាន់តែជាការធ្វើលំហាត់យោធា ហើយ ជាការតាំងពិព័ណ៌កងទ័ពមួយដើម្បីបង្ហាញពីភាពរីកចំរើនរបស់កងទ័ពតែប៉ុណ្ណោះ។ លោកថាមិនមែនជាការគំរាមកំហែងអ្វីទេ។
ជាបន្ដសូមអញ្ជើញស្ដាប់បទសម្ភាសន៍រវាងកញ្ញា ជុំ ជោគជាតា និងលោក ឈុំ សុជាតិ អ្នកនាំពាក្យក្រសួងការពារជាតិដូចតទៅ៖
