en     km
en     km

ការឆែកឆេរផ្ទះឈ្មួញឈើល្បីឈ្មោះមិនទាន់ទទួលបានលទ្ធផល

Share

ភ្នំពេញ៖ លោកឧត្តមសេនីយ៍ត្រី អេង ហ៊ី អ្នកនាំពាក្យគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ ប្រាប់វិទ្យុស្រ្តីនៅរសៀលថ្ងៃទី១៦ ខែសីហានេះថា លទ្ធផលនៃការចុះឆែកឆេរផ្ទះឈ្មួញឈើដ៏ល្បីឈ្មោះមិនទាន់ទទួលលទ្ធផលនោះទេ ព្រោះសមត្ថកិច្ចកំពុងបំពេញការងារ។

នៅថ្ងៃទី១៦ ខែសីហានេះ កម្លាំងគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ បាននាំខ្លួន ឧកញ៉ា គង់ ក្រឹង មកឆែកឆេរផ្ទះនៅស្រុកស្នួល ខេត្តក្រចេះ ក្រោយពីឧញ៉ារូបនេះ និងកូនប្រសាឈ្មោះ ម៉ាត់ ណាស៊ាត​ ត្រូវបានឃាត់ខ្លួនពីបទល្មើសព្រៃឈើកាលពីល្ងាចម្សិលមិញ។

សូមស្តាប់ប្រសាសន៍លោកឧត្តមសេនីយ៍ អេង ហ៊ី

ការសម្រេចឃាត់ខ្លួនឧកញ៉ា គង់ ក្រឹង បានធ្វើឡើង បន្ទាប់ពីក្រុមការងារគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានកោះហៅឧកញ៉ា គង់ គ្រឹង ឱ្យចូលបំភ្លឺ ពាក់ព័ន្ធនឹងបទល្មើសព្រៃឈើ នៅបញ្ជាការដ្ឋានកងរាជអាវុធហត្ថខេត្តក្រចេះ។ ឧកញ៉ា គង់ គ្រឹង មានទីលំនៅភូមិដីច្រាបថ្មី ឃុំ២ធ្នូ ស្រុកស្នួល ខេត្តក្រចេះ ជាម្ចាស់រោងសិប្បកម្ម ម៉ាត់ ណាស៊ាត ត្រូវចូលបំភ្លឺតាមពេលវេលាកំណត់ និងត្រូវនាំឯកសារពាក់ព័ន្ធទៅជាមួយផងផងដែរ៕​

Share

Image
Image
Image