ជាថ្មីម្ដងទៀត សម្ដេចនាយករដ្ឋមន្ត្រី ហ៊ុនសែន បន្តឆ្លៀតឌឺដងទៅឱ្យអ្នកនយោបាយ មួយចំនួន ដែលសម្ដេចថ្លែងថាកុំប៉ងប្រាថ្នាចង់ជំនួសតំណែងខ្លាំងពេក គឺត្រូវគ្រប់គ្រងត្រឹមកូនបក្សមួយបានហើយ។
សំឡេងសម្តេច ហ៊ុន សែន ៖
ការថ្លែងរបស់សម្ដេចហ៊ុនសែនធ្វើឡើងនៅក្នុងពិធីអបអរសាទរនៃការបើកដាក់ឲ្យដំណើរការរោងចក្រផលិតស៊ីម៉ង់ត៍ដ៏ធំនៅខេត្តកំពត នៅព្រឹកថ្ងៃព្រហស្បតិ៍ទី៨កុម្ភៈនេះ ។ ការថ្លែងនេះ នៅចំពោះវត្តមាន មន្ត្រីជាន់ខ្ពស់រាជរដ្ឋាភិបាលកម្ពុជា មន្ត្រីរាជការ សិស្សានុសិស្ស បុគ្គលិកក្រុមហ៊ុន និងប្រជាពលរដ្ឋសរុបប្រមាណជា ៧ពាន់នាក់។
សម្ដេចហ៊ុនសែន នៅឆ្នាំនេះមានអាយុ ៦៦ ឆ្នាំ។ សម្ដេចគឺជាអ្នកនយោបាយ ជើងចាស់មួយរូប នៅកម្ពុជា ដែលបានកាន់តំណែង តាំងពីឆ្នាំ១៩៨៥។ នៅក្នុងពិធីកាលពីព្រឹកមិញនេះ សម្ដេចថា នឹងកាន់តំណែង ១០ឆ្នាំទៀត៕
