loader

អ្នកស្រី សួ ចិត្រ ដាំបន្លែសរីរាង្គធ្វើម្ហូបលក់គិតគូរពីសុខភាពអ្នកទទួលទាន

កំពង់ធំ៖ អ្នកស្រី សួ ចិត្រ និងប្តីគឺលោក ផ្លុង លិន ជាអ្នកធ្វើម្ហូបអាហារស្រាប់លក់នៅផ្សារមួយកន្លែងស្ថិតក្នុងភូមិ​បឹង  ឃុំបឹង ស្រុកបារាយណ៍ ខេត្តកំពង់ធំ។ សព្វថ្ងៃប្តីប្រពន្ធទាំងពីររូបនេះ បានដាំបន្លែខ្លួនឯងខ្លះ ដើម្បីកាត់បន្ថយការចំណាយទិញបន្លែពីផ្សារដែលសម្បូរដោយសារជាតិគីមីធ្វើឱ្យប៉ះពាល់សុខភាព។

អ្នកស្រី ចិត្រ កំពុងលក់ម្ហូបនិងបន្លែនៅផ្សារក្នុងភូមិបឹង។រូបភាព ហុក ដេប៉ូ យុវជនខេត្តកមពង់ធំ

អ្នកស្រីឱ្យដឹងថា ការដាំបន្លែខ្លួនឯងមិនប្រើថ្នាំគីមីគឺអាចរក្សាបានសុខភាពគ្រួសារ និងអ្នកទទួលទាន។

អ្នកទាំងពីរបានចាប់យកមុខរបរធ្វើម្ហូបលក់នេះរយៈពេល ៤ ឆ្នាំមកហើយ ហើយមុខម្ហូបដែលអ្នកស្រីនិងប្ដីតែងតែធ្វើមានដូចជា ផាកឡូវ ញាំ ម្ជូរគ្រឿង ឆាតាំងហ៊ុន និងប្រហុកខ្ទិះ។

បងស្រី ចិត្រ កំពុងធ្វើម្ហូបត្រៀមលក់នៅពេលល្ងាច។ រូបភាព ហុក ដេប៉ូ យុវជនខេត្តកំពង់ធំ

ប្តីប្រពន្ធទាំងពីរចាប់ផ្ដើមធ្វើម្ហូបចាប់ពីម៉ោង ១ រសៀលដល់ម៉ោង ៣:៣០នាទីល្ងាចទើបរួច ហើយត្រូវដឹកយកទៅលក់ម៉ោង ៤ ល្ងាចនៅផ្សារក្នុងភូមិបឹងស្រាប់ និងត្រឡប់មកវិញនៅម៉ោង ៦:៣០ នាទីល្ងាច។

ចំណែកចំណូលវិញក្នុងមួយថ្ងៃ អាចចំណេញប្រាក់ជាមធ្យមពី ៤ម៉ឺន ទៅ ៥ម៉ឺន។ អ្នកស្រីប្រាប់ថា មុខរបរនេះគឺចំណេញមិនច្រើននោះទេ តែវាជាមុខរបរបន្ទាប់បន្សំក្នុងគ្រួសារដែលអាចជួយរកប្រាក់បន្ថែមពីមុខរបរប្ដីដែលធ្វើស្រែចំការ និងចុងភៅតាមរោងការផងដែរ។

លោក លិន ជាស្វាមីកំពុងធ្វើផាកឡូវឱ្យប្រពន្ធយកទៅលក់។ រូបភាព ហុក ដេប៉ូ យុវជនខេត្តកំពង់ធំ

មុខរបរធ្វើម្ហូបអាហារលក់នេះ បានធ្វើអោយគ្រួសារបងស្រីមានភាពធូរធាជាងមុនច្រើន ទាំងការហូបចុកគ្រប់គ្រាន់ មានលុយទិញរបស់ប្រើប្រាស់ល្អៗ ជួយរកប្រាក់បន្ថែមដើម្បីអាចមានលទ្ធភាពធ្វើផ្ទះនៅ និងអាចផ្គត់ផ្គង់កូនៗរៀនសូត្របានទាំងបីនាក់ ដែលកូនទីមួយរៀនថ្នាក់ទី១០ កូនទីពីររៀនថ្នាក់ទី ៦ កូនពៅទីបីរៀនថ្នាក់ទី ២៕

អត្ថបទខ្លីសរសេរដោយ ហុក ដេប៉ូ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

បញ្ចេញមតិ

avatar

ព័ត៌មានទាក់ទង

បាត់ដំបង៖ អាជ្ញាធរឃុំកកោះចុះសម្ភាសន៍ពលរដ្ឋផ្តល់ប័ត្រក្រីក្រ

បាត់ដំបង៖ អាជ្ញាធរឃុំកកោះ ស្រុកមោងឫស្សី ខេត្ត[...]

កំពង់ធំ៖ ទឹកតូច ផលត្រីធ្លាក់ចុះ ប្រជានេសាទស្រុកបារាយណ៍ខ្លះត្អូញត្អែរពីបំណុលធនាគារ

ខេត្តកំពង់ធំ៖ អង្គុយលើទូកតូចមួយលោក ញូង ភក្រ្ត[...]

ពលរដ្ឋជនបទខ្លះសង់បង្គន់ពីស្លឹកត្នោតនិងស័ង្កសីចាស់ៗបញ្ចប់ការបន្ទោបង់ពាសវាលពាសកាល

ខេត្តកំពង់ធំ៖ ជាគំរូមួយដ៏ល្អប្រសើរ ប្រជាពលរដ្[...]

ព័ត៏មានថ្មី

វីដេអូថ្មីបំផុត