ភ្នំពេញ៖ ស្ត្រីដែលមានវ័យកាន់តែចំណាស់ ពិបាកក្នុងការស្វែងរកការងារធ្វើ ជាពិសេសស្ត្រី គ្មានចំណេះដឹង គឺលោកមិនមានលទ្ធភាពរកការងារធ្វើបានល្អឡើយ។
ការងារដែលពួកគាត់អាចធ្វើបានគឺធ្វើជាកម្មករ ឬប្រកបរបរ ដោយប្រើកំលាំងតែប៉ុណ្ណោះ។ ជាក់ស្តែងស្ត្រីមួយចំនួនបានចាប់យកមុខរបររើសអេតចាយ ដោយសារមិនអាចរកការងារល្អបានធ្វើ។ ជីវិតពួកគាត់បានប្រែប្រួលនៅពេលពួកគាត់ទទួលការងារថ្មីនៅក្នុងសហគ្រាសធ្យូងអនាម័យ។
សហគ្រាសធ្យូងអនាម័យ គឺជារោងចក្រមួយបានផ្តល់ការងារ ដល់ស្ត្រីដែលគ្មានការងារពិតប្រាកដនិង គ្មានចំនេះខ្ពង់ខ្ពស់។
អ្នករាយការណ៍ព័ត៌មានរបស់វិទ្យុស្ត្រីបានចុះជួបស្ត្រីទាំងនោះ ដោយពួកគាត់បានបង្ហាញក្ដីសង្ឃឹមកាន់តែខ្លាំង ចំពោះមុខរបរនេះ។
សូមស្ដាប់ បទយកការណ៍ដែល កញ្ញា ច្រឹក ស្រីអូន ដូចតទៅ៖
