« នៅព្រឹកថ្ងៃព្រហស្បិ៍ទី ២១ ខែឧសភានេះប្រធានបណ្តាញព្រះសង្ឃឯករាជ្យ ដើម្បីយុត្តិធម៌សង្គមព្រះនាម ប៊ុត ប៊ុនតិញ បានស្នើសុំជួបជាមួយលោកនាយករដ្ឋមន្រ្តី ហ៊ុន សែន ដើម្បីលើកឡើងពីបញ្ហាវិនាសសកម្មព្រៃឈើ ជាពិសេសព្រៃឈើនៅតំបន់ព្រៃឡង់និងកែរទំរងនៃការគ្រប់គ្រងព្រះពុទ្ធសាសនា»។ ព្រះអង្គ ប៊ុត ប៊ុនតិញ មានសង្ឃដីការនៅក្នុងសនិ្នសិទសារព័ត៌មានស្តី « អំពីវិនាសសកម្មព្រៃឡង់» នៅភោជនីដ្ឋានបៃតង់នាព្រឹកថ្ងៃព្រហស្បិ៍ដដែលនេះថា ប្រធានបទ សំខាន់ៗចំនួន២នឹងលើកឡើងប្រសិនបើជំនួបរវាងព្រះអង្គប៊ុត ប៊ុនតិញ ជាមួយលោកនាយករដ្ឋមន្រ្តី ហ៊ុន សែន អាចនឹងកើតមានពិតមែននោះ។
សារព័ត៌មានស្តីអំពី ” វិនាសសកម្ម
ព្រៃឡង់” “ នាព្រឹកថ្ងៃព្រហស្បិ៍ទី ២១ ខែ ឧសភា
ប្រធានបទទី១ ព្រះអង្គនឹងលើកឡើងអំពីបញ្ហាវិនាសសកម្មព្រៃឈើ ពិសេសព្រៃឈើនៅតំបន់ព្រៃឡង់ ដើម្បីស្នើសុំឲ្យប្រមុខរដ្ឋាភិបាល លោក ហ៊ុន សែន ទទួលស្គាល់ និងផ្តល់សិទ្ធិពេញលេញឲ្យក្រុមបណ្តាញការពារព្រៃឡង់អាចនិងការពារព្រៃឈើដែលនៅសេសសល់ឲ្យនៅគង់វង់បាន។ចំនែកឯប្រធានបទទី២ គឺការធ្វើកំណែរទំរង់ស្ថាប័នព្រះពុទ្ធសាសនា ឲ្យមានលក្ខណៈល្អប្រសើរជាងនេះទាក់ទងបញ្ហានេះអ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន មានប្រសាសន៍ថា «ការស្នើសុំជួបលោកនាយករដ្ឋមន្រ្តី ហ៊ុន សែន តាមរយៈញត្តិអាចទៅរួចក៏ប៉ុន្តែការសុំជួបជាលក្ខណៈសាធារណៈនោះមិនអាចទៅរួចនោះទេ។»
ចំណែកអ្នកវិភាគសង្គម លោក កែម ឡី បានលើកឡើងថា លោកនាយករដ្ឋមន្រ្តីគួរតែបើកឲ្យមានវេទិការសាធារណៈ ដើម្បីជជែកយោបល់គ្នាដើម្បីទទួលបាន មតិយោបល់ល្អៗដូចទៅនឹងអតីតប្រធានាធិបតីនៃប្រទេសសិង្ហបុរីលោក លី ខ្វាន់យូ ដែលតែងបើកវេទិការសាធារណៈជាមួយពលរដ្ឋខ្លួន។ប៉ុន្តែលោកកែមឡី ហាក់មើលឃើញថា លោកនាយករដ្ឋមន្រ្តីមិនធ្លាប់មានការបើកវេទិការសាធារណៈកន្លងមកទំនងមិនចង់ឆ្លើយសំនួរ ដែលជាបញ្ហាប្រឈមមិនល្អមួយចំនួន ក្នុងកំឡុងពេលដឹកនាំរបស់លោក។
កាលពីពេលកន្លងទៅទាំងសង្គមស៊ីវិល និងបក្សប្រឆំាងក៏ធ្លាប់ស្នើឲ្យវេទិការសាធារណៈជាមួយលោកនាយករដ្ឋមន្រ្តីហ៊ុន សែនដែរ។ ក៏ប៉ុន្តែរហូតមកដល់ពេលនេះមិនមានចម្លើយវិជ្ជមានណាមួយនោះទេ៕
