ភ្នំពេញ៖ គ្រោះថ្នាក់ចរាចរណ៍មួយដែលបង្កឡើងដោយអ្នកបើកបរស្រវឹងស្រា ជាជនចិនមួយរូប បានធ្វើឱ្យមនុស្សស្លាប់នៅនឹងកន្លែង ៣នាក់ និងរបួសជាច្រើននាក់។ នេះបើយោងតាម ការបង្ហោះលើហ្វេសប៊ុក TVFB នៅយប់ថ្ងៃទី២៧ មិនានេះ។
តាមប្រភពដដែលនេះ ជនរងគ្រោះដែលស្លាប់បាត់បង់ជីវិតនោះ គឺ ២នាក់ជាស្ដ្រី និងម្នាក់ទៀត ជាបុរស ។ចំណែកឯអ្នកបើកបរជាជនជាតិចិន ត្រូវពលរដ្ឋព្រួតវាយសន្លប់នៅនឹងកន្លែងកើតហេតុ ។ តែយ៉ាងណាក៏ដោយ ជនបង្កហេតុ ត្រូវបានសមត្ថកិច្ចចូលទៅរំដោះ ទៅកាន់អធិការខណ្ឌចំការមន។
តាមតួរលេខបឋមរបស់សមត្ថកិច្ច មនុស្សចំនួន ៦នាក់ ក៏រងរបួសធ្ងន់ធ្ងរនៅក្នុងហេតុការណ៍នេះ ផងដែរ៕
