loader

សំលៀកបំពាក់និងស្បែងជើងកម្ពុជានាំទៅអាមេរិកមានទំហំទឹកប្រាក់ជិត ៣៦ ពាន់លានដុល្លារ

ភ្នំពេញ៖ ចាប់តាំងពីសហរដ្ឋអាមេរិកបានបើកទ្វារអនុញ្ញាតឱ្យផលិតផល និងទំនិញកម្ពុជាចូលទៅកាន់ទីផ្សារសហរដ្ឋអាមេរិក ចាប់តាំងពីឆ្នាំ១៩៩៧មកដល់បច្ចុប្បន្ន ទំហំទឹកប្រាក់នៃការនាំចូលពីកម្ពុជាទៅប្រទេសមហាអំណាចសេដ្ឋកិច្ចមួយនេះមានរហូតដល់ទៅ ៣៦ពាន់លានដុល្លារសហរដ្ឋអាមេរិក។ នេះបើតាមទំព័រហ្វេសប៊ុករបស់ស្ថានទូតសហរដ្ឋអាមេរិកប្រចាំនៅកម្ពុជាចេញផ្សាយនៅព្រឹកថ្ងៃទី ១៣ កញ្ញា នេះ។

តាមទំព័រហ្វេសប៊ុកស្ថានទូតអាមេរិកដដែល ទំនិញដែលកម្ពុជាបាននាំចូលទៅកាន់ទីផ្សារអាមេរិកគឺ ៩០%ជាផលិតផលសំលៀកបំពាក់ និងស្បែកជើង។

តាមរយៈទំព័រហ្វេសប៊ុកនេះ ស្ថានទូតសហរដ្ឋអាមេរិកបានរំលឹកឡើងវិញនូវសាវតាមួយចំនួន ដែលអាមេរិកបានលើកស្ទួយវិស័យកាត់ដេរកម្ពុជាឱ្យមានភាពរីកចំរើន។ ស្ថានទូតលើកឡើងថា អាមេរិកបានជួយរដ្ឋាភិបាលកម្ពុជាក្នុងការកសាងឧស្សាហកម្មកាត់ដេរចាប់តាំងពីមានកិច្ចព្រមព្រៀងឆ្នាំ១៩៩៦មកម្ល៉េះ។ ក្នុងអំឡុងពេលជិត ២០មកនេះ អាមេរិកបានគាំទ្រជាថវិកាដល់កម្មវិធីរោងចក្រល្អ (Better Factories Program) ដែលផ្តល់អោយក្រុមហ៊ុនអ្នកទិញនៅអាមេរិក និងនៅអឺរ៉ុបមានទំនុកចិត្តនៅក្នុងការទិញទំនិញពីកម្ពុជា។

ជាងនេះអាមេរិកក៏បានផ្តួចផ្តើមជាមួយរដ្ឋាភិបាលកម្ពុជា បង្កើតក្រុមប្រឹក្សាអាជ្ញាកណ្តាល ដើម្បីដោះស្រាយជម្លោះរវាងកម្មករ និងថៅកែដោយសន្តិភាព។

ជាការកត់សម្គាល់ នៅរយៈពេលចុងក្រោយនេះ និងនៅជិតការបោះឆ្នោតថ្នាក់ជាតិចូលមកដល់នេះ កម្តៅនយោបាយការទូតរវាងមហាអំណាចពិភពលោក​ និងកម្ពុជា ហាក់ដើរថយក្រោយបន្តិច បន្ទាប់ពីប្រមុខរដ្ឋាភិបាលកម្ពុជាសម្តេច ហ៊ុន សែន បានថ្លែងវាយប្រហារសហរដ្ឋអាមេរិកថា​ ជាអ្នកនៅពីក្រោយបដិវត្តន៍ពណ៌ចង់ផ្តួលរំលំរដ្ឋាភិបាលស្របច្បាប់បច្ចុប្បន្ន។

នាយករដ្ឋមន្រ្តីក៏ចោទអាមេរិកថា បាននៅពីក្រោយរបបរបស់លោកសេនាប្រមុខ លន់ នល់ ក្នុងការផ្តួលរបបរាជានិយមរបស់អតីតព្រះមហាក្សត្រព្រះបាទ សីហនុ ផងដែរ។

ជាការឆ្លើយតប ឯកអគ្គរាជទូតអាមេរិកប្រចាំនៅកម្ពុជា បានសម្តែងការសោកស្តាយចំពោះការប្រមាថរបស់កម្ពុជាមកលើរដ្ឋាភិបាលអាមេរិក និងប្រជាជនអាមេរិកចពោះប្រសាសន៍របស់នាយករដ្ឋមន្រ្តីសម្តេច ហ៊ុន សែន ។

មន្រ្តីស្ថានទូតក៏បានព្រមានថា អាមេរិកអាចនឹងដកថយទំនាក់ទំនងពាណិជ្ជកម្មរវាងប្រទេសទាំងពីរមួយជំហាន ដែលសហរដ្ឋអាមេរិកមិនទាន់សំដៅលើផ្នែកណាមួយពិតប្រាកដនោះទេ។

តែយ៉ាងសម្រាប់ផលិតផលសំលៀកបំពាក់ និងស្បែងជើងកម្ពុជា សហរដ្ឋអាមេរិកជាទីផ្សារធំទីពីរ បន្ទាប់ពីសហគមអឺរ៉ុប។

វិស័យវាយនភ័ណ្ឌកាត់ដេរសំលៀកបំពាក់ និងស្បែកជើងកម្ពុជា ជាវិស័យស្នូរមួយដែលនាំឱ្យកម្ពុជាមានកំណើនសេដ្ឋកិច្ចកើនឡើងថេរក្នុងកម្រិត ៧% នាប៉ុន្មានឆ្នាំចុងក្រោយនេះ។ វិស័យកាត់ដេរក៏ជាវិស័យអត្ថិភាពសំខាន់មួយផងដែរ បន្ទាប់ពីវិស័យទេសចរណ៍ និងវិស័យស្រូវអង្ករ។ តាមការប៉ាន់ប្រមាណ វិស័យកាត់ដេរបានផ្តល់ការងារជូនពលរដ្ឋកម្ពុជា ប្រមាណ១លាននាក់។

ឧស្សាហកម្មកាត់ដេរថ្នាក់ពិភពលោករបស់ប្រទេសកម្ពុជា ផ្តល់អោយប្រទេសកម្ពុជានូវមូលដ្ឋានរឹងមាំមួយសំរាប់ពង្រីកដល់កម្មន្តសាលដែលប្រើបច្ចេកទេសខ្ពស់ផងដែរ៕

បញ្ចេញមតិ

Be the First to Comment!

avatar
wpDiscuz

ព័ត៌មានទាក់ទង

​កម្ពុជា​នាំ​ចេញ​អង្ករ​ជិត​៦០​ម៉ឺន​តោន​កើនឡើង​ជាង​១៧​ភាគរយ​ក្នុង​រយៈពេល​១១​ខែ​ឆ្នាំ​២០១៧

ប្រទេស​កម្ពុជា​នាំ​ចេញ​អង្ករ​ជិត​៦០​ម៉ឺន​តោន​[...]

​ធនាគារពិភពលោក​ចាត់​ទុក​កម្ពុជា​ចាក​ផុត​ពី​ភាព​ក្រីក្រ​តោកយ៉ាក​កម្រិត​ទាប​

​ប្រទេស​កម្ពុជា​បាន​ចាក​ផុត​ពី​ភាព​ក្រីក្រ​តោ[...]

WTO​រម្លឹក​កម្ពុជា​ឱ្យ​ខិតខំ​កសាងទំនុកចិត្ត​វិនិយោគទុន​បរទេស​លើ​វិស័យ​កាត់ដេរ​

​គេហទំព័រ​សារព័ត៌មាន​បរទេស​មួយ​ឈ្មោះ​ថា​Just-[...]

ព័ត៏មានថ្មី

វីដេអូថ្មីបំផុត