loader

យុវជន៖ អំពាវនាវឱ្យប្រជាពលរដ្ឋរួមគ្នាកសាងជាតិ ខណៈកម្ពុជាប្រារព្ធពិធីបុណ្យឯករាជ្យជាតិ

ភ្នំពេញ៖ ក្រុមយុវជនដែលបានចូលរួមខួបលើកទី៦៤ នៃការទាមទារឯករាជ្យពីបារំាង បានអំពាវនាវឱ្យប្រជាពលរដ្ឋកម្ពុជា និងអ្នកនយោ បាយរួមកម្លំាងគ្នាកសាងប្រទេសជាតិ ខណៈដែលកម្ពុជាមានឯករាជ្យភាពពេញលេញដោយមិនស្ថិតក្រោមការគ្រប់គ្រងពីអាណានិគមប្រទេសណាមួយទៀតនោះ។ ការអំពាវនាវនេះធ្វើទ្បើងក្នុងពិធីរំលឹកខួបលើកទី៦៤ នៃទិវាបុណ្យឯករាជ្យជាតិ នាព្រឹកថ្ងៃទី ០៩ វិច្ឆិកា ឆ្នំា២០១៧នេះ នៅវិមានឯករាជ្យ។

ខួបលើកទី៦៤នៃទិវាបុណ្យឯករាជ្យជាតិខ្មែរ

 

នេះជាសំទ្បេងចម្រៀងរបស់ក្រុមយុវជន រួមជាមួយមន្រ្តីកម្ពុជាគ្រប់លំដាប់ថ្នាក់ ច្រៀងអបអរសាទរដែលកម្ពុជាបានទាមទារឯករាជ្យពីប្រទេស បារំាងកាលពីថ្ងៃទី០៩ វិច្ឆិកា ឆ្នំា១៩៥៣។

ថ្ងៃនេះជាថ្ងៃដែលប្រជាពលរដ្ឋកម្ពុជាគ្រប់ៗរូបមិនអាចបំភ្លេចបាន គឺថ្ងៃខួបលើកទី៦៤ នៃទិវាបុណ្យឯករាជ្យជាតិខ្មែរ ដែលព្រះបរមរតនកោដ្ឋនរោត្តមសីហនុ បានទាមទារឯករាជ្យពីប្រទេសបារំាងកាលពីថ្ងៃទី០៩ ខែវិច្ឆិកា ឆ្នំា១៩៥៣។

កម្មវិធីនេះត្រូវបានប្រារព្ធទ្បើងក្រោមអធិបតីភាព ព្រះករុណាព្រះបាទសម្តេច ព្រះបរមនាថ នរោត្តមសីហមុនី អមដំណើរដោយសម្តេច ហ៊ុន សែន សម្តេច ហេង សំរិន សម្តេច សាយ ឈុំ រួមទំាងមន្រ្តីជាន់ខ្ពស់នៃរាជរដ្ឋាភិបាលកម្ពុជាជាច្រើនរូបផ្សេងទៀតផងដែរ។

យុវជន ឌុច សុផានិត ដែលបានចូលរួមខួបលើកទី៦៤នេះ បានលើកទ្បើងថា ថ្ងៃនេះគឺជាថ្ងៃដែលប្អូនមិនអាចបំភ្លេចបាន ព្រោះជាថ្ងៃដែលកម្ពុជាមានឯករាជ្យភាពក្នុងការគ្រប់គ្រងប្រទេសដោយខ្លួនឯង។ «សូមអរគុណទៅដល់សម្តេចតាដែលបានទាមទារឯករាជ្យពីប្រទេសដើម្បីយកមកគ្រប់គ្រងប្រទេសដោយខ្លួនឯង មានអារម្មណ៍ថាអរគុណគាត់ខ្លំាងមែនទែនក្នុងនាមយើងជាកូនខ្មែរ»។

យុវជន ឌុច សុផានិត វ័យជាង ២០ ឆ្នំារូបនេះ អំពាវនាវឱ្យប្រជាពលរដ្ឋកម្ពុជារួមគ្នាកសាងប្រទេស ខណៈកម្ពុជាទទួលបានឯករាជ្យភាពរួចហើយនោះ។ «ជាចុងក្រោយសូមឱ្យប្រជាជនខ្មែរយើងទំាងអស់រួបរួមសាមគ្គីគ្នាដើម្បីយើងមានឯករាជ្យភាពហើយ តែយើងចង់ឱ្យប្រទេសខ្មែរយើងរីកលូតលាស់ទៅមុខកាន់តែខ្លំាងទៅមុខទៀត»។

ចំណែកយុវតី អ៊ុក សុជីវី ក៏យល់ឃើញមិនខុសពីយុជន ឌុច សុផានិតនោះដែរ គឺយុវតីរូបនេះសប្បាយចិត្តនៅពេលបានឃើញប្រជាពលរដ្ឋកម្ពុជាជាច្រើនពាន់នាក់ ចូលរួមរំលឹកខួបនៃទិវាបុណ្យឯករាជ្យជាតិកម្ពុជា។​«បងប្អូនប្រជាពលរដ្ឋគឺមិនថាតែសិស្ស និស្សិត ដែលចូលរួមនេះគឺមានទឹកចិត្តសប្បាយរីករាយគ្រប់ៗគ្នា​ដែលបានជួបព្រះមហាក្សត្រថែមទៀត»។

យុវតី អ៊ុក សុជីវី អំពាវនាវឱ្យប្រពលរដ្ឋកម្ពុជាទំាងអស់ត្រូវសាមគ្គីគ្នាទ្បើងវិញ ចៀសវាងការបែកបាក់សាមគ្គីគ្នារវាងខ្មែរ និងខ្មែរ។ «គឺជាសាមគ្គីគ្នាទ្បើងវិញយើងអត់ចង់ថាឱ្យប្រទេសយើងជួបសង្គ្រាមទេ ព្រោះអីយើងធ្លាប់ជួបសង្គ្រាមម្តងរួចមកហើយ អញ្ចឹងសូមឱ្យប្រជាពលរដ្ឋយើងគឺចេះស្រលាញ់គ្នា សាមគ្គីគ្នា កុំឱ្យស្អប់គ្នា»។

ចំណែកអ្នកគ្រូបង្រៀនមួយរូបក្នុងចំណោមគ្រូបង្រៀនជាច្រើនរូបទៀតបានលើកទ្បើងថា«ធម្មតាគេលែងគ្រប់គ្រងយើង យើងមានឯករាជ្យយើងសប្បាយចិត្ត យើងទទួលបានជ័យជម្នះរបស់យើង»។

ទិវាបុណ្យឯករាជ្យជាតិ គឺត្រូវបានប្រារព្ធធ្វើទ្បើងរៀងរាល់ឆ្នំា ដើម្បីរំលឹកដល់ស្នាព្រះហត្ថរបស់ព្រះមហាវីរៈក្សត្រខ្មែរ សម្តេច ព្រះនរោត្តម សីហនុ ព្រះបរមរតនកោដ្ឋ ដែលព្រះអង្គបានដឹកនំាព្រះរាជបូជនីយកិច្ចទាមទារបាននូវឯករាជ្យពីអាណានិគមបារំាង នៅថ្ងៃទី០៩ វិច្ឆិកា ឆ្នំា១៩៥៣៕

Leave a Reply

Your email address will not be published. Required fields are marked *

ព័ត៌មានទាក់ទង

ចៅសង្កាត់​បក្ស​សង្គ្រោះ​ជាតិ​មួយ​ចំនួន​ត្រូវ​បាន​រា​រាំង​និង​ដក​យក​ត្រា​បន្ទាប់​ពី​បក្ស​នេះ​ត្រូវ​បាន​រំលាយ​

ចៅសង្កាត់​អូ​ចារ​និង​ចៅសង្កាត់​ទួល​តា​ឯកនៃ​គណ[...]

​អង្គការ​ការពារ​អ្នកកាសែត​អំពាវនាវ​ឲ្យ​អាជ្ញាធរ​ដោះ​លែង​អតីត​អ្នកកាសែត​វិទ្យុ​អាស៊ី​សេរី​

ភ្នំពេញ៖​គណៈកម្មាធិការ​ការពារ​អ្នក​សារព័ត៌មាន[...]

អាមេរិកប្រកាសលែងផ្តល់ជំនួយសម្រាប់ការបោះឆ្នោតនៅកម្ពុជាឆ្នាំ២០១៨

ក្រុងភ្នំពេញ៖ សហរដ្ឋអាមេរិកបានប្រកាសនៅក្នុងសេ[...]

ព័ត៏មានថ្មី

វីដេអូថ្មីបំផុត