loader

កម្ពុជាត្រៀមទទួលភ្ញៀវទេសចរចិន ១ លាននៅឆ្នាំ២០១៧ និង ២ លាននាក់នៅឆ្នាំ២០២០

ភ្នំពេញ៖ ខណៈភ្ញៀវទេសចរអន្តរជាតិមកលេងកម្ពុជារយៈ ៨ខែដើមឆ្នាំ២០១៧នេះ មានជាង៣លាន ៥សែននាក់ ហើយក្នុងនោះភ្ញៀវទេសចិនមានជាង ៧៤ម៉ឺននាក់នោះ កម្ពុជាមានមហិច្ឆិតាចង់ស្រូបយកទេសចរចិនឱ្យបានដល់ ១ លាន់នាក់នៅឆ្នាំ២០១៧នេះ នឹងឈានដល់ ២ លាននាក់នៅឆ្នាំ២០២០។

                                                              ​ភ្ញៀវទេសចរចិនមកលេងប្រាសាទអង្គរវត្ត

នេះបើយោងតាមសុន្ទរកថា​បើករបស់​លោក ថោង ខុន រដ្ឋមន្ត្រី​ក្រសួង​ទេសចរណ៍​ថ្លែង​ក្នុង​វេទិកា​ថ្នាក់​ជាតិ​លើក​ទី២ ស្តីពីទីផ្សារទេសចរណ៍​ចិន​ និង​ការ​ត្រៀម​លក្ខណៈ​សម្បត្តិទទួល​​ភ្ញៀវទេសចរ​ចិន​ “China Ready” សម្រាប់​ទេសចរណ៍កម្ពុ​ជា។ ការថ្លែងនេះធ្វើឡើងនៅសណ្ឋាគារ​សុខាភ្នំពេញ​ កាលពីថ្ងៃទី​៣១ ខែតុលា​ ឆ្នាំ​២០១៧ ដែលត្រូវបានក្រសួងទេសចរបង្ហោះលើទំព័រហ្វេសប៊ុករបស់ខ្លួននៅថ្ងៃនេះ។

លោករដ្ឋមន្រ្តីថ្លែងបន្តថា កាលពីឆ្នាំ២០១៦ កម្ពុជាសម្រេចបានទេសចរក្នុងអត្រា៥% ជាមួយនឹងការមកដល់នៃភ្ញៀវទេសចរអន្តរជាតិប្រមាណ ៥លាននាក់នោះ កម្ពុជាបានទទួលប្រាក់ចំណូលប្រមាណ៣៤០០លានដុល្លារអាមេរិក ចាក់បញ្ចូលក្នុងសេដ្ឋកិច្ចជាតិ។ លោកបន្ថែមថា ប្រាក់ចំណូលបានពីប្រភពនៃភ្ញៀវទេសចរអន្តរជាតិនេះ បានរួមចំណែកប្រមាណ ១៣% នៃផលិតផលក្នុងស្រុកសរុប(GDP) ហើយបានបង្កើតការងារដោយផ្ទាល់ដល់ប្រជាពលរដ្ឋប្រមាណជាង៦២ម៉ឺននាក់ផងដែរ។

ហើយក្នុងរយៈពេល ៨ខែដើមឆ្នាំ២០១៧នេះ កម្ពុជាទទួលបានភ្ញៀវទេសចរអន្តរជាតិចំនួនជាង៣លាន ៥សែននាក់ កើនឡើង ១១,៨% បើធៀបនឹងឆ្នាំ២០១៦។

តាមការព្យាករណ៍ កម្ពុជានឹងទទួលបានភ្ញៀវទេសចរអន្តរជាតិប្រមាណ ៥,៦លាននាក់ នៅឆ្នាំ២០១៧ និងប្រមាណ ៧លាននាក់នៅឆ្នាំ២០២០។ ក្នុងនោះនឆងនាំនូវចំណូលសរុបប្រមាណ៥ពាន់លានដុល្លារអាមេរិក បង្កើតឪកាសការងារប្រមាណ ១លាននាក់ និងនាំមកនូវចំណូលសរុបប្រមាណ ១ម៉ឺនលានដុល្លារអាមេរិក បង្កើតឪកាសការងារប្រមាណ២លាននាក់។

យោងតាមការព្យាករណ៍របស់អង្គការទេសចរណ៍ពិភពលោក(UNWTO)ប្រទេសចិននឹងក្លាយជាប្រទេសដែលនឹងទទួលទេស ចរណ៍អន្តរជាតិច្រើនជាងគេនិងមានភ្ញៀវទេសចរចេញទៅក្រៅប្រទេសច្រើនជាងគេលោកពិភពលោកគឺប្រមាណ ២០០លាននាក់នៅឆ្នាំ២០២០។ ក្នុងនោះភ្ញៀវទេសចរចិននឹងចំណាយប្រាក់៤២០ប៊ីលានដុល្លារ៕

បញ្ចេញមតិ

Be the First to Comment!

avatar

ព័ត៌មានទាក់ទង

ក្រសួងសេដ្ឋកិច្ចរៀបចំគោលនយោបាយបន្ថយកម្ចីបរទេសកាត់បន្ថយហានិភ័យ

រដ្ឋលេខាធិការក្រសួងសេដ្ឋកិច្ច និងហិរញ្ញាវត្ថុ[...]

អង្គការ​ WCS​ ៖​ គិត​ត្រឹម​ឆ្នាំ​២០១៧​ ចំនួន​សត្វ​ស្លាប​កម្ពុជា​មានការ​កើនឡើង​ ប៉ុន្ដែ​ចំនួន​ថនិកសត្វ​បាន​ថយ​ចុះ​

អង្គការ​សមាគម​អភិរក្ស​សត្វព្រៃ​ បាន​ឲ្យ​ដឹង​ថ[...]

​ក្រសួង​ការងារ​គ្រោង​បង្កើត​កម្មសិក្សា​ផ្នែក​ធនធានមនុស្ស​តាម​ប្រព័ន្ធ​អ៊ិ​ន​ធើ​ណែ​ត​

លោក​រដ្ឋមន្ត្រី​ អ៊ិ​ត​ សំ​ហេង​ បញ្ជាក់​ថា​កម[...]

ព័ត៏មានថ្មី

វីដេអូថ្មីបំផុត