អ្នកនយោបាយបក្សប្រឆាំង និងក្រុមប្រដាប់អាវុធ ឧទ្ទាមប្រឆាំងរដ្ឋាភិបាល ប្រធានាធិបតី បាសាអាល់ អាសាដ បានដាក់ចេញគោលនយោបាយមួយ ដើម្បីបញ្ចប់សង្គ្រាមដែល មានរយៈពេល៥ ឆ្នាំមកហើយនេះ។
គណៈកម្មាធិការកិច្ចចរចាជាន់ខ្ពស់ (HNC) បានស្នើសុំឲ្យមានបទឈប់បាញ់ ក្នុងរយៈពេល ៦ខែ ដោយបានដាក់ជូនទៅ ប្រធានាធិបតី អាល់ អាសាដ ដើម្បីឈានទៅដល់បទឈប់ បាញ់ពេញលេញ។
តាមផែនការរបស់ក្រុមប្រឆាំង គឺលោក អាល់ អាសាដ នឹងត្រូវប្រគល់អំណាចទៅឱ្យរដ្ឋាភិបាលបង្រួបបង្រួមមួយដឹកនាំ ជំនួស គឺរយៈ១៨ខែ មុនប្រទេសនេះរៀបចំឲ្យមានការបោះឆ្នោត។
តែរដ្ឋមន្ត្រីការបរទេស ស៊ីរី លោក Faisal Mekdad បានប្រាប់បណ្តាញផ្សាយព័ត៌មាន BBCថា ការទាមទារឱ្យលោកអាល់ អាសាដ ចុះចេញពីតំណែងគឺពិតជា ឆ្កួត និង មិនគួរឱ្យជឿ។
ប្រទេសស៊ីរី បានធ្លាក់ចូលក្នុងភ្នក់ភ្លើងសង្គ្រាមតាំងពីឆ្នាំ២០១១ មកនោះគឺមនុស្ស ២៥០ពាន់នាក់ស្លាបនិង ជាច្រើនលាននាក់ ក្លាយជាជនភៀសខ្លួន៕
