ព្យុងយ៉ាង ៖ បក្សកុំមុនីសកូរ៉េខាងជើង បានប្រកាសហាមពលរដ្ឋរបស់ខ្លួនអបអរសាទរពិធីបុណ្យ Christmas ដែលប្រព្រឹត្តទៅនៅថ្ងៃទី២៥ ខែធ្នូ សប្ដាហ៍ក្រោយនេះ ដោយព្រមានថា គឺនៅថ្ងៃនោះអាចនឹងផ្ទុះសង្គ្រាម ព្រោះក្រុងព្យុះយ៉ាងត្រូវបាញ់សាកល្បងកាំជ្រួចមួយលើកទៀត។
មិនតែប៉ុណ្ណោះប្រទេសផ្ដាច់ការមួយនេះ ក៏បានហាមពលរដ្ឋរបស់ខ្លួនទទួលទានគ្រឿងស្រវឹងទៀតផង។ ការចេញបម្រាមនេះស្របពេលដែល ទីក្រុងព្យុងយ៉ាង បានអះអាងថា ខ្លួនត្រូវដើម្បីឆ្លើយតប ចំពោះការដាក់ទណ្ឌកម្មរបស់សហគមន៍អន្ដរជាតិ ដោយចាត់ទុកថា ជាអំពើរំលោភបំពានលើខ្លួនយ៉ាងធ្ងន់ធ្ងរ ព្រោះការដាក់ទណ្ឌកម្មអន្ដរជាតិនេះ បានធ្វើឲ្យប៉ះពាល់ដល់ជីវភាពរបស់ប្រជាជនកូរ៉េខាងជើង។
កាលពីថ្ងៃសុក្រ ទី២២ ធ្នូ ក្រុមប្រឹក្សាសន្ដិសុខអង្គការសហប្រជាជាតិ ដោយរួមទាំង រុស្ស៊ី និងចិន ផង ដែលជាសម្ព័ន្ធមិត្តរបស់កូរ៉េខាងជើង បានចូលរួមជាមួយអាមេរិកផងដែរ ដោយសម្រេចដាក់ទណ្ឌកម្មមួយលើកទៀត ទៅលើប្រទេសឯកោមួយនេះ ដោយ ហាមដឹកប្រេងចូលប្រទេសកុម្មយនីសមួយឲ្យបាន ៩០ភាគរយ៕
