អ្នកស្រី ខន ចិន្ដា ម្ចាស់សិប្បកម្ម Somanea ផលិតផលស្នែង មិនបានបោះបង់ចោលអាជីវកម្មផលិតគ្រឿងអលង្ការពីស្នែងគោក្របីទេ ទោះបីសិប្បកម្មអាយុជាង២០ឆ្នាំនេះ ជួបផលលំបាកក្នុងវិបត្តិកូវីដ១៩កន្លងទៅក្ដី។ ខណៈជំងឺរាតត្បាតបានស្ងប់ស្ងាត់នៅកម្ពុជា សិប្បកម្មដែលជួយសម្អាតដល់បរិស្ថាន និងកាត់បន្ថយកាកសំណល់ស្នែងនិងឆ្អឹងសត្វមួយនេះ បានដំណើរការឡើងវិញខ្ទង់ ៣០ ភាគរយហើយ។ ថ្ងៃព្រហស្បតិ៍នេះ លោក ឡាក់ ច័ន្ទតារា បានសម្ភាសជាមួយអ្នកស្រី ខន ចិន្តា អំពីអាជីវកម្មរបស់អ្នកស្រី។ សូមនាងកញ្ញា លោក លោកស្រី អញ្ជើញស្ដាប់ដូចតទៅ៖