ស៊ីដនី៖ យោងតាមរ៉យទ័រ តុលាការអូស្ត្រាលីដោះលែងស្រ្តីម្នាក់ឱ្យនៅក្រៅឃុំកាលពីថ្ងៃសុក្រទី៦មករា ២០២៣។លោកស្រី Mariam Raad ត្រូវបានចាប់ខ្លួនក្រោមបទចោទប្រកាន់ថាបានចូលនិងស្នាក់នៅក្នុងតំបន់រដ្ឋអ៊ីស្លាមនៃប្រទេសស៊ីរី។
ប៉ូលីសបានចាប់ខ្លួនលោកស្រី Mariam Raad អាយុ 31 ឆ្នាំកាលពីថ្ងៃព្រហស្បតិ៍ទី៥ មករា ២០២៣។លោកស្រីបាននិយាយថានាងបានធ្វើដំណើរទៅប្រទេសស៊ីរីនៅដើមឆ្នាំ 2014 ដើម្បីចូលរួមជាមួយប្តីរបស់នាងដែលជាសមាជិកសកម្មនៃក្រុមសកម្មប្រយុទ្ធអ៊ីស្លាម។ប្តីរបស់នាងត្រូវបានគេជឿថាបានស្លាប់នៅក្នុងប្រទេសស៊ីរីក្នុងឆ្នាំ 2018 ។
ច្បាប់អូស្ត្រាលីចាត់ទុកថាវាជាបទល្មើសមួយក្នុងការចូល ឬស្នាក់នៅក្នុងតំបន់ដែលរដ្ឋាភិបាលបានប្រកាសថាជា “អង្គការភេរវករដែលបានចុះបញ្ជីថាបានចូលរួមក្នុងសកម្មភាពភេរវកម្ម” ដោយកំណត់ការផ្តន្ទាទោសដាក់ពន្ធនាគាររហូតដល់ 10 ឆ្នាំ។
លក្ខខណ្ឌនៅក្រៅឃុំរបស់លោកស្រី Raad មានដូចជា៖ប្រគល់លិខិតឆ្លងដែនឱ្យលោកស្រីវិញ ត្រូវរាយការណ៍ឱ្យប៉ូលីសរៀងរាល់ថ្ងៃច័ន្ទ រួមទាំងហាមមិនឱ្យទាក់ទងជាមួយសមាជិកនៃ “អង្គការភេរវករ”។
លោកស្រី Raad បានត្រឡប់ពីជំរុំ Al Roj សម្រាប់ជនភៀសខ្លួននៅភាគឦសានប្រទេសស៊ីរីទៅអូស្ត្រាលីវិញ ក្នុងខែតុលា ឆ្នាំ២០២២ នៅពេលដែលរដ្ឋាភិបាលបានធ្វើមាតុភូមិនិវត្តន៍ស្ត្រី និងកុមារចំនួន 17 នាក់យ៉ាងចម្រូងចម្រាស ដែលពាក់ព័ន្ធនឹងអ្នកប្រយុទ្ធរដ្ឋអ៊ីស្លាម។
ប្រភព៖ Reuters ចុះថ្ងៃទី៦ ខែមករា ឆ្នាំ២០២៣
