ភ្នំពេញ៖ គំនិតរបស់លោកបណ្ឌិត សុខ ទូច ប្រធានរាជបណ្ឌិតសភាកម្ពុជា ដែលចង់ស្នើរាជរដ្ឋាភិបាលអាណត្តិថ្មីបើកប្រាក់បៀវត្តរ៍មន្រ្តីរាជការជាសាច់ប្រាក់ផ្ទាល់ដូចពីមុននោះ ត្រូវបានសម្តេច ហ៊ុន សែន បដិសេធចោលដោយអះអាងថា ដើរមិនទាន់សម័យកាលនិងបង្កការរាំងស្ទះដល់ដំណើរការការងារ។
ប្រសាសន៍សម្តេច ហ៊ុន សែន៖
ការថ្លែងរបស់នាយករដ្ឋមន្រ្តីនេះធ្វើឡើងក្នុងឱកាសចូលរួមបើកការដ្ឋានស្តារ និងលើកកម្រិតគុណភាពផ្លូវជាតិលេខ៣១ និងលេខ៣៣ ស្ថិតក្នុងភូមិសាស្ត្រខេត្តកំពត និងខេត្តកែបនៅថ្ងៃទី៣០ខែធ្នូនេះ។
ការថ្លែងបដិសេធគំនិតលើកឡើងរបស់លោកបណ្ឌិត សុខ ទូច នេះគឺសម្តេចឆ្លើយតបចំៗទៅការថ្លែងរបស់លោកបណ្ឌិត សុខ ទូច ដែលបានថ្លែងក្នុងវេទិកាមួយកាលពីថ្ងៃទី១២ ខែធ្នូ ឆ្នាំ២០២២កន្លងទៅ។
ទាក់ទងរឿងនេះវិទ្យុស្រ្តីបានទាក់ទងលោកបណ្ឌិត សុខ ទូច ប្រធានរាជបណ្ឌិតសភាកម្ពុជាតាមខ្សែទូរស័ព្ទតែប្រព័ន្ធទូរស័ព្ទត្រូវបានបិទ។
តែយ៉ាងណាឃ្លីបវីដេអូដែលនៅមានបង្ហោះលើទំព័រហ្វេសប៊ុករាជបណ្ឌិតសភាកម្ពុជានៅឡើយនោះ លោកបណ្ឌិត សុខ ទូច បានលើកឡើងពី ការបើកប្រាក់ខែជូនមន្រ្តីរាជការតាមប្រព័ន្ធធនាគារអាចនាំឱ្យកើតមានភាពពុករលួយ ដោយមន្រ្តីខ្លះបានទទួលប្រាក់ខែទាំងមិនបានបំពេញការងារ។
ប្រសាសន៍បណ្ឌិត សុខ ទូច៖
