ភ្នំពេញ៖ ស្ថានទូតមេរិកប្រចំានៅកម្ពុជាប្រកាសជូនដំណឹងដល់ប្រជាពលរដ្ឋខ្លួនមានការប្រុងប្រយ័ត្ន ក្នុងការធ្វើដំណើរនៅថ្ងៃបោះឆ្នោតព្រោះអាចនឹងមានការប្រមូលផ្តុំបាតុកម្ម។
នៅថ្ងៃនេះស្ថានទូតអាមេរិកប្រចំានៅកម្ពុជាបង្ហោះនៅលើបណ្តាញសង្គមហ្វេសប៊ុកផ្លូវការ ដោយជូនដំណឹងដល់ប្រជាពលរដ្ឋអាមេរិកដែលរស់នៅនិងមានបំណងធ្វើដំណើរមកកម្ពុជាឱ្យមានការប្រុងប្រយ័ត្ននៅថ្ងៃទី ២៩ ខែកក្កដា ជាព្រឹត្តិការណ៍បោះឆ្នោតដែលនឹងអាចមានការប្រមូលផ្តុំបាតុកម្មនំាឱ្យប៉ះពាលដល់សន្តិសុខ សុវត្ថិភាពផ្ទាល់ខ្លួន។
ស្ថានទូតនេះ លើកទឹកចិត្តឱ្យពលរដ្ឋជៀសវាងកន្លែងមនុស្សប្រមូលផ្តុំ ឬកន្លែងបាតុកម្ម និងជៀសវាងការធ្វើដំណើរលើដងផ្លូវព្រោះអាចនឹងមានការកកស្ទះចរាចរណ៍។
លោកឧត្តមសេនីយ៍ ខៀវ សុភ័ក្រ អ្នកនំាពាក្យក្រសួងមហាផ្ទៃ ជឿថា នឹងគ្មានការបាតុកម្មនៅថ្ងៃបោះឆ្នោតនោះទេ។ ប៉ុន្តែបើមានក៏មានបាតុករមួយក្តាប់តូចប៉ុណ្ណោះ។
លោក ខៀវ សុភ័គ៖
នៅថ្ងៃបោះឆ្នោតអាជ្ញាធរនឹងត្រៀមកងកម្លំាងប្រដាប់អាវុធប្រមាណ ១០ ម៉ឺននាក់ ដើម្បីការពារសន្តិសុខសណ្តាប់នៅក្បែរការិយាល័យបោះឆ្នោតនៅទូទំាងប្រទេស៕
