World Cup៖ ក្រុមការពារតំណែងជើងឯក អាល្លឺម៉ង់ បានធ្វើឲ្យប្រិយមិត្តគាំទ្រខ្លួនជុំវិញពិភពលោក ខកចិត្តមិនស្ទើរ ខណៈ ដែលក្រុមឥន្ទ្រីស ម៉ិកសិកូ បំបែករនាំងការពាររបស់ក្រុមឥន្ទី្រដែក អាល្លឺម៉ង់ ក្នុងលទ្ធផល ១ ទល់ និង ០។ នេះបើតាមបណ្តាញផ្សាយព័ត៌មាន BBC ។
ជ័យជម្នះ ដែលធ្វើឲ្យពិភពលោកភ្ញាក់ផ្អើលនេះ គឺធ្វើឡើងបន្ទាប់ពី កីឡាករម៉ិក សិកូ Hirving Lozano ស៊ុតបញ្ជូលទី នៅក្នុងនាទី ៣៥ រួចប្រើទម្រង់លេងបិទ ១០ នាក់ខាងក្រោម មិនឲ្យអាល្លឺម៉ង់តដៃវិញរហូតដល់ចប់តង់រយៈពេល ៩០ នាទី។
អ្នកវិភាគបាល់ទាត់មួយចំនួនបង្ហាញថា ទម្រង់លេងរបស់អាល្លឺម៉ង់ឆ្នាំនេះ នឹងមិនអាចក្លាយជាជើងឯកការពារតំណែងរបស់ខ្លួនបានឡើយដោយសំអាងថា កីឡាកររបស់អាល្លឺម៉ង់មួយចំនួនហាក់បង្ហាញទម្រង់លេងមិនល្អមុនការប្រកួតដណ្តើមពានរង្វាន់ពិភពលោកនេះ។
យ៉ាងណាក៏ដោយ អាល្លឺម៉ង់បានផ្ញើសារដល់អ្នកគាំទ្ររបស់ខ្លួនថា អាល្លឺម៉ង់នឹងក្លាយជាខ្លាជាថ្មីនៅទឹកដីរុស្សីនេះ នៅការប្រកួតក្រោយទៀត ដែលក្រុមបាល់ទាត់អាលឺម៉ង់នឹងជួបជាមួយក្រុមកីឡាករជម្រើសអ៊ុយ អ៊ែត នៅសប្តាហ៍វគ្គក្នុងពូល។
សូមបញ្ជាក់ថា ប្រទេសអាល្លឺម៉ងគឺជាក្រុមដែលដណ្តើមពានរង្វាន់ជាមួយអាហ្សង់ទីនកាលពី World Cup ឆ្នាំ ២០១៤ ប្រទេសប្រេស៊ីល តែការប្រកួតបើកឆាកWorld Cup ឆ្នាំ២០១៨ នៅរុស្សីនេះ ក្រុមការពារតំណែងជើងឯកបែរជាចាញ់ក្រោមស្នាដៃរបស់ម៉ិកសិកូ ក្នុងលទ្ធផល ១ ទល់និង ០ ទៅវិញ៕
សូមមើលការប្រកួតហាយឡាយ៖
