កូរ៉េខាងត្បូង៖ រដ្ឋអាជ្ញាកូរ៉េខាងត្បូងនៅថ្ងៃពុធ ទី ១៥មីនានេះ បានសម្រេចកោះហៅអតីតប្រធានាធិបតី ប៉ាក គុនហេ ឱ្យចូលខ្លួនមកបំភ្លឺករណី រឿងអាស្រូវពុករលួយ និងបំពានអំណាចរដ្ឋ។
លោកស្រី ប៉ាក គុនហេ ត្រូវបានតុលាការរដ្ឋធម្មនុញ្ញបង្គាប់ឱ្យចាកចេញពីតំណែងជាប្រធានាធិបតីកាលពីសប្ដាហ៍មុនបន្ទាប់តុលាការនេះតំកល់សេចក្ដីសម្រេចរបស់រដ្ឋសភា ដែលបានបោះឆ្នោតទម្លាក់សេចក្ដីទុកចិត្តលោកស្រី ដោយសារជាប់ពាក់ព័ន្ធរឿងអាស្រូវពុករលួយនិងបំពានអំណាចរដ្ឋ។តាមបណ្ដាយផ្សាយព័ត៌មាន Channel News Asia លោកស្រី ប៉ាក គុនហេត្រូវចូលខ្លួនមកកាន់តុលាការនៅថ្ងៃទី ២១ មិថុនា នៅម៉ោង ៩៖ ៣០នាទីព្រឹក។
តាមពួករដ្ឋអាជ្ញាលោកស្រី ប៉ាក គុនហេ មានទោសធំៗចំនួន ៣ គឺ ករណីចាប់ជំរិត ការទទួលប្រាក់សំណូក និងបំពានអំណាចរដ្ឋ។ ក្នុងសំណុំរឿងនេះ មិត្តភក្ដិរបស់លោកស្រីម្នាក់ គឺជាអ្នកដើមចមបង្កឱ្យលោកស្រិ ប្រឈមមុខដូចនេះ ។ក្រៅពីនេះ ប្រធានក្រុមហ៊ុន SAMSUNG ក៏ត្រូវបានចាប់ខ្លួនផងដែរ ដោយគេរកឃើញផ្ដល់ប្រាក់សំណូកជាង ៣០លានដុល្លារទៅឱ្យលោកស្រី ប៉ាក គុនហេ ៕ Reuters
