ឡាអេ៖ប្រទេសតួកគីបានដាក់ចេញនូវវិធានការជាបន្ដបន្ទាប់ដើម្បីសងសឹកលើប្រទេស ហូឡង់ ដែលបានឃាឃាំងមិនឲ្យរដ្ឋមន្ដ្រីរបស់ខ្លួនធ្វើយុទ្ធនាការដើម្បីបោះឆ្នោតប្រជាមតិ រើខ្លួនចេញពីសមាជិកភាព សហភាពអឺរ៉ុប។
ឧបនាយករដ្ឋមន្ដ្រីតួកគីលោក Numan Kurtulmus បាននិយាយថា តួកគីសម្រេចហាមឃាត់មិនឲ្យឯក អគ្គរដ្ឋទូតហូឡង់ ចូលទីក្រុងអង់ការ៉ា វិញនៅពេលនេះទេ ដោយសារតែតួកគីចង់ព្យួរចោលការសន្ទនាគា្នណាមួយដើម្បីបំបែកភាពតានតឹងផ្នែកការទូត ដែលជាការប្រាប់ឲ្យដឹងអំពីការសងសឹករបស់តួកគី។
កាលពីថ្ងៃចន្ទ រដ្ឋមន្ដ្រីការបរទេសតួកគី ត្រូវបានប្រទេសហូឡង់ ឃាឃាំងមិនឲ្យចូលប្រទេសហូឡង់ ដែលរដ្ឋមន្ដ្រីរូបនេះត្រូវទៅជួបជុំជាមួយនឹងប្រជាជនតួកគី ដើម្បីធ្វើការស្ទាបស្ទង់មតិ ហើយបោះឆ្នោតប្រជាមតិថា តើតួកគី ត្រូវចាកចេញពីសភាពអឺរ៉ុបឬដូចម្ដេច។ អ្វីដែលនាំឲ្យហូឡង់ រារាំងរដ្ឋមន្ដ្រីការបរទេសតួកគីដោយសារតែ ហូឡង់ មិនពេញចិត្ដពលរដ្ឋតួកគីមកប្រមូលផ្ដុំគ្នាហើយធ្វើប្រជាមតិលើទឹកដីហូឡង់។
មិនថាឡើយប្រទេសតួកគី សូម្បីប្រទេសអាល្លឺមង់ ក៏រារាំងរដ្ឋមន្ដ្រីរបស់តួកគីផងដែរ។ កាលពីថ្ងៃម្សិលមិញនាយករដ្ឋមន្ដ្រី ហូឡង់ បាននិយាយថា អ្វីដែលនាំឲ្យទីក្រុងឡាអេ ឃាឃាំងរដ្ឋមន្ដ្រីតួកគី ដោយសារតែខ្លាចការប្រជុំគ្នានោះបង្កឲ្យមានអំពើភេរវកម្ម តែតួកគីមិនយល់ដូចនេះទេ៕ BBC
