បុរសកាន់អំណាចយូរជាងគេនៅលើពិពភបលោក នៃប្រទេស ហ្សិមបាវ៉េ លោក Robert Mugabe ដែលមានអាយុ៩៣ ឆ្នាំ ហើយនោះ បាន សន្យា បន្តកាន់អំណាច មួយអាណត្តិទៀត បើលោកជាប់ឆ្នោត នៅក្នុងការបោះឆ្នោតប្រធានាធិបតី ឆ្នាំ២០១៨។
នៅក្នុង ពិធីជប់លៀង ខួបកំណើតរបស់លោក នៅថ្ងៃអង្គារទី២១កុម្ភៈដែលជាគម្រប់ ៩៣ឆ្នាំ បុរសខ្លាំងរូបនេះ បានឡើងប្រកាសជាសាធារណៈថានៅតែមានមហិច្ឆិតាដឹកនាំប្រទេស មួយអាណតិ្ត គឺរហូត១០០ឆ្នាំ ឬអស់មួយជិវិត។
លោក Robert Mugabe បានកាន់អំណាចជាប្រធានាធិបតី ហ្សិមបាវេ តាំងពីឆ្នាំ១៩៨០។ លោកMugabe គឺជា មេដឹកនាំកាន់អំណាចយូរជាងគេ នៅ អាហ្រិ្វកក្នុង ចំណោម ជនផ្ដាច់ការ ១០នាក់ទៀត ដែលក្នុង ចំណោមនេះ មានមេដឹកនាំខ្លះ ត្រូវបាន បណ្ដេញចេញពីអំណាច ដូចជា លោកYahya Jammeh។
ចំណែក លោក Robert Mugabe បានកាន់អំណាច ជិត៤០ឆ្នាំ គឺជា រដ្ឋបុរសម្នាក់គត់ មានអាយុ៩៣ឆ្នាំ ហើយ នៅតែបន្តកាន់អំណាចទៀត។
នៅចំខួប៩៣ឆ្នាំ នៅថ្ងៃនេះ គណបក្សរបស់លោក បាន អនុម័តឱ្យលោក ជាបេក្ខជន ក្នុងការបោះឆ្នោត ប្រធានាធិបតី មួយអាណត្តិ បើ លោក បន្តឈ្នះឆ្នោត នៅឆ្នាំ២០១៨។
តែជាមួយគ្នានេះ ប្រពន្ធរបស់ លោកគឺលោកស្រី Grace Mugabe បាននិយាយថា ប្ដីរបស់លោកស្រីនៅតែជា មេដឹកនាំទទួលបានការគាំទ្រ នៅពាស់ពេញប្រទេស ហើយ បើលោកស្លាប់ ក៍មាន គេអាណិតស្រឡាញ់ដែរ។ លោកស្រីបន្តថា បើទោះជា ប្ដីរបស់លោកស្រី ដើរមិនរួចដោយវ័យចាស់ជរាគឺអ្នកស្រីនឹងដាក់គាត់ លើរទេះរុញ្ញ ទៅការិយាល័យ ។ លោកត្រូវបានគេរាយការណ៍ថាលោក ឡើងថ្លែងសុន្ទរកថានៅរដ្ឋសភា ពេលខ្លះ លោកមានភាពវង្វែង ដោយមិនដឹងថា ត្រូវ និយាយអ្វីមុនឬ ត្រូវធ្វើអ្វីទេ។ លោកស្រី Grace Mugabe មានអាយុ ៥១ ឆ្នាំ ខណៈប្ដីរបស់លោកស្រីមានអាយុ៩៣ឆ្នាំ។
លោក Robert Mugabe ត្រូវបាន អង្គការសិទ្ធិមនុស្ស ចាត់ទុកជាជនផ្ដាច់ការ ព្រោះ ការកាន់អំណាចរបស់លោក ពោរពេញដោយការរំលោភសិទ្ធិមនុស្ស ធ្ងន់ធ្ងរ។ នៅក្រោមការដឹកនាំរបស់លោក ៣៧ឆ្នាំ មកនេះ ប្រព័ន្ធតុលាការ និងសភា ក្លាយជា ឧបករណ៍ នយោបាយ របស់លោក និងបក្ស ZANU-PF របស់លោក ។
អនុប្រធានាធិបតី លោក Emmerson Mnangagwa សក្ដិសម បន្តស្នងតំណែងពីលោក តែ ទំនង លំបាក ដោយសារលោក បានរៀបចំ អ្នកស្នងរបស់លោក គឺមានប្រពន្ធ ឬក៏ កូនប្រុសម្នាក់ របស់លោករូច ទៅហើយ។
តាមរដ្ឋធម្មនុញ្ញ បើលោក Mugabe គឺអនុប្រធានាធិបតីរបស់លោក ត្រូវឡើង កាន់តំណែងជំនួស ជា ប្រមុខរដ្ឋស្ដីទី។ ប៉ុន្តែ នៅក្នុងគណបក្ស Zanu-PF បានទទួលការណែនាំឱ្យជ្រើស ថ្នាក់ដឹកនាំតាម លំដាប់ ក្នុងនោះ ប្រពន្ធរបស់លោក និងកូនប្រុសរបស់ម្នាក់ផងដែរ។
នៅក្នុងប្រទេសហ្សិមបាវេ ពុំផ្ដល់ការធ្វើប្រជាមតិនោះទេ តែ មេដឹកនាំបក្សប្រឆាំង Morgan Svangirai ត្រូវបាន គេមើលឃើញថា អាចដឹកនាំប្រទេស ជំនួសលោក Mugabe បើ ការបោះឆ្នោត មានភាពយុត្តិធម៌ និងភាពសេរី តម្លាភាព៕ ប្រភព: News 24 និង Zim Eye