ប៉ូលីសម៉ាឡេស៊ីបាននិយាយថា បុរសជនជាតិកូរ៉េជើង ៤នាក់ ត្រូវបានដៅមុខសញ្ញា ជាជនសង្ស័យរៀបចំផែនការសម្លាប់បងប្រុសរបស់មេដឹកនាំកូរ៉េខាងជើង គឹមជុងណាំ ។
ប្រភពរបស់ប៉ូលីសម៉ាឡេស៊ីដែលស្រង់មកចុះផ្សាយដោយបណ្ដាញផ្សាយព័ត៌មាន Channel News Asia បាននិយាយថា បុរស ៤នាក់នេះ ជាអ្នកប្រើប្រាស់មធ្យោបាយទិញទឹកចិត្តស្ដ្រី ២នាក់ អោយដាក់ថ្នាំបំពុលលោក គឹមជុងណាំ ហើយស្ដ្រី ២រូបនោះម្នាក់កាន់លិខិតឆ្លងដែនវៀតណាម និងមួយរូបទៀត កាន់លិខិតឆ្លងដែនឥណ្ឌូនេស៊ី។
ពួកគាត់ត្រូវបានចោទថា ដាក់ថ្នាំបំពុលសម្លាប់លោក គឹម ជុងណាំ នៅឯហាងកាហ្វេមួយនៅព្រលានយន្ដហោះកូឡាំពួរ កាលពីថ្ងៃច័ន្ទ ទី១៣ កុម្ភៈ ។
តាមប្រភពដដែលជនសង្ស័យនេះ បានរៀបចំគម្រោងធ្វើឃាតលោក គឹមជុងណាំ ហើយគាត់ត្រឡប់ទៅទីក្រុង ព្យុងយ៉ាង វិញ។
ករណីនេះ នាំអោយមានជំលោះផ្នែកការទូតរវាងទីក្រុងព្យុងយ៉ាង និងទីក្រុងកូឡាឡាំពួរ ដោយសារតែអាជ្ញាធរម៉ាឡេស៊ីមិនព្រមប្រគល់សាកសពលោក គឹមជុងណាំ ទៅអោយកូរ៉េខាងជើង ៕ CAN
