តុលាការមួយនៅប្រទេសចិនបានផ្ដន្ទាទោសអស់មួយជីវិតទៅលើចៅក្រមជាន់ខ្ពស់ម្នាក់បន្ទាប់ពីរកឃើញចៅក្រមរូបនេះប្រព្រឹត្តអំពើពុករលួយនូវទឹកប្រាក់ជាច្រើនសិបលានដុល្លារ។
ចៅក្រមជាន់ខ្ពស់រូបនេះគឺលោក Xi Xiaoming ជាអតីតអនុប្រធានតុលាការកំពូលរបស់ប្រជាជនចិន។លោកត្រូវបានដាក់ក្រោមការស៊ើបអង្កេតតាំងពីឆ្នាំ២០១៥មកម្ល៉េះ។ តាមសេចក្ដីរាយការណ៍ដដែលបញ្ជាក់ថា ចៅក្រមរូបនេះបានចូលធ្វើការពីឆ្នាំ១៩៩៦ដល់ឆ្នាំ២០១៥។
ទូរទស្សន៍រដ្ឋ របស់ចិនបាន និយាយថា តុលាការខេត្ត ជិនជាំង បានរកកំហុស លោក Xi Xiaoming ដោយសារលោកបានទទួលប្រាក់សំណូក ១១៥លាន យ៉ុន ស្មើនឹង ១៧លាន ៧៨ម៉ឺនដុល្លារ។
លោក Xi Xiaoming បានក្លាយជាកម្មាភិបាល ជាន់ខ្ពស់បក្សកុំម្មុយនិសចិន រយៈពេល ៤០ឆ្នាំមកហើយ៕ប្រភព:Reuters