ចក្រភពអង់គ្លេស បានត្រៀមខ្លួនជាស្រេចជួយប្រទេសហ្គាំប៊ីក្នុងការលើកកម្ពស់វិស័យអប់រំ និង ហេដ្ឋា រចនាសម្ព័ន្ធ ក្នុងគោលបំណងជំរុញវិស័យទេសចរណ៍របស់ប្រទេសក្រីក្រនៅទ្វិបអាហ្វ្រិកមួយនេះ។ នេះបើតាមសារព័ត៌មាន Sky News។
លោក Boris Johnson រដ្ឋមន្ត្រីក្រសួងការបរទេសចក្រភពអង់គ្លេសថ្លែងដូចនេះ នៅក្នុងដំណើរទស្ស នកិច្ចទៅតំបន់អាហ្វ្រិចខាងលិច កាលពីថ្ងៃទី១៤ កុម្ភៈ ម្សិលមិញ។ លោក Boris Johnson ៖«ខ្ញុំបានសន្ទនាជាមួយប្រធានាធិបតីថ្មី លោក Adama Barrow អំពីគំនិតល្អៗជាច្រើន និងការជួយជំរុញប្រទេសហ្គាំប៊ីអោយឆ្ពោះទៅមុខ»។
អតីតប្រធានាធិបតីចាញ់ឆ្នោត លោក Yahya Jammeh ដែលកាន់អំណាចជាង ២២ឆ្នាំ បានរងការចោទថា យកប្រាក់ទៅជាមួយជាង ១១ លានដុល្លារ ពីធនាគារជាតិរបស់ហ្គាំប៊ី នៅពេលលោកនិរទេសទៅរស់នៅប្រទេសហ្គីនេ។
ជាមួយគ្នានេះ សហភាពអឺរ៉ុបក៏បានប្រកាសផ្ដល់ជំនួយនូវទឹកប្រាក់ ៣៤០ លានដុល្លារបន្ថែមទៀត ឱ្យរដ្ឋាភិបាលថ្មីនៃប្រទេស Gambia ដើម្បីស្ដារការអភិវឌ្ឍន៍ប្រទេសនេះឡើងវិញ៕ ប្រភព៖ Sky News
