រដ្ឋាភិបាលថ្មីនៃប្រទេស Gambia បានប្រាប់អង្គការសហប្រជាជាតិថា ខ្លួនបានសម្រេចឱ្យសច្ចាប័នឡើងវិញ ទៅតុលាការព្រហ្មទណ្ឌអន្ដរជាតិ ICC ដើម្បីឱ្យតុលាការអន្ដរជាតិមួយនេះ មានសិទ្ធិអំណាចសើរើរឿងក្ដីមួយចំនួន ដែលកើតមាននៅក្នុងការគ្រប់គ្រងរបស់ជនផ្ដាច់ការ Yahya Jammeh ។
ការផ្ដល់សច្ចាប័នទៅតុលាការ ICC ឡើងវិញនេះ ធ្វើឡើងបន្ទាប់ពីអតីតប្រធានាធិបតី Yahya Jammeh បានលុបចោលសច្ចាប័ននេះ កាលពីខែ តុលា ឆ្នាំ ២០១៦ ដោយសារតែលោក Jammeh ចោទថា តុលាការអន្ដរជាតិនេះ មានភាពលំអៀងទៅរកលោកខាងលិច។
លោក Adama Barrow ប្រធានាធិបតីថ្មីប្រទេស Gambia បាននិយាយថា ការផ្ដល់សច្ចាប័នឡើងវិញនេះ គឺ បញ្ជាក់ថា រដ្ឋាភិបាលរបស់លោកចាត់ទុកការរំលោភសិទ្ធិមនុស្សនៅក្រោមការគ្រប់គ្រងរបស់ Jammeh គឺជា ភស្ដុតាងមួយនៃការស៊ើបអង្កេត ការរំលោភសិទ្ធិមនុស្សធ្ងន់ធ្ងរ ក្នុងការគ្រប់គ្រងរបស់លោក Jammeh ។ បច្ចុប្បន្នលោក Jammeh ដែលបានកាន់អំណាចរយៈពេល ២២ឆ្នាំ បានរស់នៅក្នុងស្ថានភាពនិរទេសខ្លួននៅប្រទេស គីនេ៕Reuters
