វ៉ាស៊ិនតោន៖ប្រធានាធិបតីអាមេរិកលោក ដូណាល់ត្រាំ បានវាយប្រហារទៅលើពួកចៅក្រមដែលបានចេញដីកាបង្គាប់ផ្អិបចោលបទបញ្ជរបស់លោក ដែលហាមប្រាមការផ្ដល់ទិដ្ឋាការលើជនជាតិប្រទេសមួយចំនួនខណៈលោកប្រាប់ទៅមន្ដ្រីព្រំដែនឲ្យរឹតបន្ដឹងយ៉ាងខ្លាំងទៅលើជនទាំងឡាយណាដែលលួចចូលសហរដ្ឋអាមេរិក។
លោក ដូណាល់ត្រាំ បាននិយាយថា ប៉ូលីសព្រំដែនអាមេរិកទាំងអស់ត្រូវឆែកឆេរឲ្យបានហ្មត់ចត់បំផុតលើជនអន្ដោប្រវេសន៍ឬជនទាំងឡាយណាដែលសំដៅចូលសហរដ្ឋអាមេរិក ប្រយោជន៍ទប់ស្កាត់ឲ្យបាន ការកើតឡើងនៅជនដែលប្រព្រឹត្ដអំពើភារវកម្ម។ តែនៅពេលជាមួយគ្នានេះលោក ត្រាំ ក៏បានវាយ ប្រហារផងដែរ ទៅលើតុលាការសហព័ន្ធកាលពីថ្ងៃម្សិលមិញ ដែលផ្អិបចោលបទបញ្ជារបស់លោក ដោយលោកស្នើឲ្យចៅក្រមតុលាការសហព័ន្ធពិនិត្យសេចក្ដីសម្រេចរបស់ខ្លួនឡើងវិញ។ ប្រទេសដែលលោក ដូណាល់ត្រាំ ចេញបម្រាមរយៈពេល ៩០ថ្ងៃមិនឲ្យចូលសហរដ្ឋអាមេរិកគឺប្រទេស ស៊ីរី អឺរ៉ាក់ អឺរ៉ង់ លីប៊ី សូម៉ាលី ស៊ូដង់ និងប្រទេសយ៉ែមេន៕ ប្រភព:BBC
