ភ្នំពេញ៖ក្រុមហ៊ុន ម៉ុង ឫទ្ធី គ្រុប មានឈ្មោះថា ក្រុមហ៊ុន KINGDOM FRUIT ដែលវិនិយោគទៅលើដំណាំកសិកម្ម កាលថ្ងៃទី០៥ ខែកុម្ភៈ ឆ្នាំ២០១៧ បានបន្តនាំចេញផ្លែស្វាយ (កែវ រមៀត)ចំនួន ជាង៦តោន ទៅលក់នៅប្រទេសបារាំង។ នេះបើតាមការចុះផ្សាយនៅក្នុងបណ្ដាញសង្គម Facebook របស់លោកឧកញ៉ា ម៉ុង ឫទ្ធី។
លោកឧកញ៉ា ម៉ុង ឫទ្ធី បានសរសេរក្នុងបណ្ដាញសង្គមហ្វេសប៊ុករបស់លោកថា នេះជាលើកទី១១ហើយ ដែលក្រុមហ៊ុនរបស់លោកបាននាំចេញផ្លែស្វាយទៅប្រទេសបារាំង គិតចាប់ពីខែវិច្ឆិកា ឆ្នាំ២០១៦មក។ ស្វាយដែលនាំចេញលើកនេះ គឺបានប្រមូលទិញ ពីប្រជាពលរដ្ឋនៅស្រុកស្រអែម ខេត្តព្រះវិហារ។
លោកឧកញ៉ា ម៉ុង ឫទ្ធី បានសរសេរលើ Facebook របស់លោកថា ៖«នៅថ្ងៃអាទិត្យ ទី០៥ ខែកុម្ភៈ ឆ្នាំ២០១៧នេះ ក្រុមហ៊ុន KINGDOM FRUIT បាននាំចេញផ្លែស្វាយដែលប្រមូលទិញ ពីប្រជាពលរដ្ឋនៅស្រុកស្រអែម ខេត្តព្រះវិហារ ចំនួន ១,១៣៤កេះ ស្មើនឹង ៦,៥០០គីឡូក្រាម ដឹកតាមជើងហោះហើរ QATAR ARIWAY Flights ឆ្ពោះទៅប្រទេសបារាំង»៕
