គណរដ្ឋមន្ត្រីនិងក្រសួងដែនដី និងនគររូបនីយកម្មបានឯកភាពគ្នាកោះហៅអ្នកជំនួញដីធ្លីដ៏ធំមួយរូបឲ្យចូលដោះស្រាយទំនាស់ដីធ្លីជាមួយក្រុមប្រជាពលរដ្ឋ។
នៅក្នុងលិខិតមួយច្បាប់កាលពីថ្ងៃទី២កុម្ភៈ ចុះហេត្ថលេខាដោយលោកហ៊ីង ថូរ៉ាក់ស៊ី រដ្ឋលេខាធិការទីស្តីការគណរដ្ឋមន្ត្រី ផ្ញើជូនក្រសួងរៀបចំដែនដីនិងនគររូបនីយកម្ម ទីស្តីការគណរដ្ឋមន្ត្រីបានកោះហៅលោកស្រី ស៊ុយ សុផាន ប្រធានក្រុមផានអ៊ីម៉ិច ឲ្យចូលខ្លួនដោះស្រាយទំនាស់ដីធ្លីជាមួយប្រជាពលរដ្ឋនៅក្នុងស្រុកពញាឮខេត្តកណ្តាល និងក្នុងខណ្ឌ័ច្បារអំពៅ រាជធានីភ្នំពេញ។ ប្រជាពលរដ្ឋទាំងពីរកន្លែងដែលមានចំនួនជាង៥០០គ្រួសារ។
ប្រជាពលរដ្ឋជាង ៩០គ្រួសារនៅខេត្តកណ្តាលបានប្តឹងក្រុមហ៊ុនលោកស្រី ស៊ុយ ផានថា បានក្លែងបន្លំឯកសារកែប្រែ ប័ណ្ណសម្គាល់សិទ្ធិកាន់កាប់អចលនវត្ថុ។ ចំណែកប្រជាពលរដ្ឋរាជធានីភ្នំពេញជាង ៤០០ គ្រួសារបានប្តឹងក្រុមហ៊ុនផានអ៊ីម៉ិចថា បានរំលោភដីប្រជាពលរដ្ឋ រំលោភផ្លូវសាធារណៈធ្វើជាកម្មសិទ្ធិឯក និងលួចធ្វើប័ណ្ណកម្មសិទ្ធិខុសប្រក្រដី។
លិខិតរបស់ទីស្តីការគណរដ្ឋមន្ង្រីដដែលបញ្ជាក់ថា រដ្ឋបាលសុរិយោដីនឹងត្រូវផ្អាកការចុះបញ្ជីឬការផ្ទេរថ្នូដី ដែលមិនទាន់ដោះស្រាយរួច ដើម្បីចៀវវាងធ្វើឲ្យវិវាទកាន់តែរីករាល៕
