ភ្នំពេញ៖ព្រះមហាក្សត្រព្រះបរមនាថ នរោត្តម សីហមុនី តែងតាំង លោកឡុង វិសាលោ រដ្ឋលេខាធិការ ឲ្យទៅកាន់មុខតំណែង ជាឯកអគ្គរាជទូតខ្មែរប្រចាំប្រទេសថៃ។
យោងតាម ព្រះរាជក្រឹត្យ ឡាយព្រះហស្ថលេខា ដោយព្រះមហាក្សត្រខ្មែរ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី កាលពីថ្ងៃទី២៣ ខែធ្នូ ឆ្នាំ២០១៦ បានត្រាស់បង្គាប់តែងតាំងលោក ឡុង វិសាលោ រដ្ឋលេខានៅក្រសួងការបរទេស និងសហប្រតិបត្តិការអន្តរជាតិ ជាឯកអគ្គរាជទូតវិសាមញ្ញ និងពេញសមត្ថភាពប្រចាំនៅប្រទេសថៃ។
គួរបញ្ជាក់ថា លោក ឡុង វិសាលោ គឺជាមន្ត្រីចាស់វស្សាមួយរូប ដែលបានកាន់តំណែងជារដ្ឋលេខាធិ ការក្រសួងការបរទេសអស់ជាច្រើនឆ្នាំមកហើយ។ លោកក៏ធ្លាប់បានធ្វើជាលេខាផ្ទាល់របស់សម្តេចនា យករដ្ឋមន្ត្រី ហ៊ុន សែន។ បច្ចុប្បន្នកូនប្រុសរបស់លោក គឺលោក ឡុង ឌីម៉ង់ ក៏កំពុងបំពេញការងារជាឯកអគ្គរាជទូត ខ្មែរប្រចាំប្រទេសកូរ៉េខាងត្បូងផងដែរ៕
