ភ្នំពេញ៖ នាយកប្រតិបត្តិអង្គការសម្ព័ន្ធគណនេយ្យភាពសង្គមកម្ពុជា បានសាទរចំពោះយុទ្ធនាការប្រយុទ្ធប្រឆាំងគ្រឿងញៀនរបស់រដ្ឋាភិបាលដែលគ្រោងនឹងអនុវត្តន៍នៅចាប់ពីថ្ងៃទី០១ ខែ មករា រហូតដល់ថ្ងៃទី ៣០ ខែមិថុនា ឆ្នាំ ២០១៧ ខាងមុខនេះ។ សាទរដោយសារតែ អាជ្ញាធររក ឃើញ មុខសញ្ញា យ៉ាង តិច ៥០០០នាក់ ដើម្បីបង្ក្រាប ក្នុងយុទ្ធនាការ ៦ខែ។ តែសុំឱ្យអនុវត្តដោយកុំរើសអើង។លោកធូ វិរៈរាយការណ៍ព័ត៌មាននេះ៖
ថ្លែងនៅក្នុងកិច្ចប្រជុំផ្សព្វផ្សាយផែនការស្តីពី យុទ្ធនាការប្រយុទ្ធប្រឆាំងគ្រឿងញៀនខុសច្បាប់ នៅព្រឹកថ្ងៃទី២២ ធ្នូ នេះ អនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន លោក កែ គឹមយ៉ាន បានលើកឡើងថា អាជ្ញាធរមានសមត្ថិកិច្ចបានកំណត់មុខសញ្ញាពាក់ព័ន្ធគ្រឿងញៀនប្រមាណ៥ ពាន់នាក់ជាក់លាក់រួចហើយ ក្នុងនោះអ្នកប្រើប្រាស់គ្រឿងញៀនជាង ៣ ពាន់នាក់ នៅទីក្រុងភ្នំពេញ។
ជុំវិញយុទ្ធនាការប្រយុទ្ធប្រឆាំងគ្រឿងញៀននេះ លោក សន ជ័យ នាយកប្រតិបត្តិអង្គការសម្ព័ន្ធគណនេយ្យភាពសង្គមកម្ពុជា បាមសាទរយន្ធការនេះ ប៉ុន្តែលោកថា អាជ្ញាធរមានសមត្ថិកិច្ចត្រូវអនុវត្តន៍ប្រកបដោយប្រសិទ្ធភាព និងតម្លាភាព។
លោក សន ជ័យ៖«ស្វាគមន៍ហើយ យើងចង់ឲ្យមានវិធានការបង្ក្រាបឲ្យស៊ីជម្រៅ ហើយបោសសំអាតឲ្យបានជាប់គោលដៅជាពិសេស មានការរាយការណ៍អំពីការប្រើប្រាស់គ្រឿងញៀនដោយចំហរ និងការចែគចាយដោយចំហរនោះ»។
ទោះបីយ៉ាណាក្តី លោកមានការព្រួយបារម្ភអំពីបញ្ហាគ្រឿងញៀនរីករាលដាលដល់កាំជណ្តើរផ្ទះរបស់ប្រជាពលរដ្ឋនៅទីជនបទ។
ថ្លែងនៅក្នុងកិច្ចប្រជុំផ្សព្វផ្សាយផែនការស្តីពី យុទ្ធនាការប្រយុទ្ធប្រឆាំងគ្រឿងញៀនខុសច្បាប់ នៅព្រឹកថ្ងៃព្រហស្បត្តិ៍នេះដែរ សម្តេច ស ខេង រដ្ឋមន្ត្រីក្រសួងមហាផ្ទៃ បានថ្លែងថា ដើម្បីទប់ស្កាត និងបង្ក្រាបបទល្មើសគ្រឿងញៀន អាជ្ញាធរមានសមត្ថិកិច្ចត្រូវបិទច្រកនាំចូលមកកម្ពុជា។
រដ្ឋមន្ត្រីក្រសួងមហាផ្ទៃ សម្តេច ស ខេង បានបន្ថែមថា អាជ្ញាធរមានសមត្ថិកិច្ចត្រូវជៀសវៀងការជាប់ពាក់ព័ន្ធជាមួយគ្រឿងញៀនជាដាចខាត់ ហើយអាជ្ញាធរត្រូវតែអនុវត្តករណីគ្រឿងញៀនដោយស្មើភាពគ្នាចំពោះមុខច្បាប់។ សម្តេច ស ខេង«សូមកុំឲ្យមានការអន្តរាគមន៍ ហេអានេះកូនក្មួយខ្ញុំទេ អានេះមិត្តភ័ក្រ អានេះចៅខ្ញុំទេ សុំជួយផង កុំសូមមេត្តាកុំលូកលាន់ បើសមត្ថិកិច្ចធ្វើខុស សមត្ថិកិច្ចត្រូវទទួលខុសត្រូវ បើមិនអញ្ជឹងទេឃើញថា បើកាលណាអន្តរាគមន៍មួយទៅដោះស្រាយរឿងនេះមិនយុត្តិធម៌វាប៉ះពាល់បច្ចេកទេសហើយ»។
ក្នុងឆ្នាំ ២០១៦នេះ អាជ្ញាធរមានសមត្ថិកិច្ចបានចាប់ខ្លួនជនសង្ស័យជិត ១ ម៉ឺននាក់ ក្នុងនោះអ្នកប្រើប្រាស់គ្រឿងញៀនជិន ៤ ពាន់នាក់ និងអឹបអូសគ្រឿងញៀនជាង ១៧៥ គីឡូក្រាម។
ចំណែកករណីបង្ក្រាបបទល្មើសគ្រឿងញៀន អាជ្ញាធរមានសមត្ថិកិច្ច បង្ក្រាបបានជាង ៤ ពាន់ករណី ក្នុងនោះករណីប្រើប្រាស់គ្រឿងញៀនជាង ១ពាន់ករណី។ ដោយឡែក អ្នកប្រើប្រាស់គ្រឿងញៀនជិត ២ម៉ឺននាក់ ដោយកើនឡើងជាង ៤ពាន់នាក់ស្មើនិងជិត ៣០ ភាគរយ បើធៀបទៅនឹងឆ្នាំមុនៗ។ នេះបើតាមតួលេខរបស់អាជ្ញាធរជាតិប្រយុទ្ធប្រឆាំង្រឿងញៀន៕