ថៃ៖ ឧត្ដមសេនីយ៍ស្នងការប៉ូលីស Chakthip Chaijinda បាននិយាយកាលពីថ្ងៃអង្គារ៍ថា ប៉ូលីស បានត្រៀមរួចហើយ ដើម្បីការពារមន្ដ្រីទូត និងលំនៅដ្ឋានរបស់ទូតដែលមាននៅទីក្រុងបាងកក ដើម្បីការពារសុវត្ថិភាពមន្ដ្រីទូត។
ការប្រកាសរបស់លោកឧត្ដមសេនីយ៍ធ្វើឡើង បន្ទាប់ពីមានការបាញ់សម្លាប់ឯកអគ្គរដ្ឋទូតរុស្ស៊ីម្នាក់នៅប្រទេសតួកគី កាលពីថ្ងៃពុធ ម្សិលមិញ បណ្ដាលឱ្យផ្ទុះប្រតិកម្មយ៉ាងខ្លាំងពីប្រធានាធិបតីរុស្ស៊ី ដោយចាត់ទុកថា ជាចេតនាមួយរបស់ពួកសកម្មប្រយុទ្ធវាយបំបាក់ប្រទេសរុស្ស៊ី។
លោកឧត្ដមសេនីយ៍ Chakthip Chaijinda បាននិយាយថា គ្រប់ស្ថានទូតទាំងអស់អាចស្នើសុំអង្គរក្សការពារមកកាន់ក្រសួងមហាផ្ទៃ ដើម្បីបញ្ចូនប៉ូលីសគ្រប់ទីកន្លែង ដើម្បីការពារមន្ដ្រីទូតទាំងនោះ គ្រប់ទីកន្លែង។
ជាមួយគ្នានេះ សហរដ្ឋអាមេរិក បានសម្រេចបិទទ្វារស្ថានទូតរបស់ខ្លួនមួយរយៈនៅ ប្រទេស តួកគី៕ Thai The Nation
