បាងកក ៖ រដ្ឋាភិបាលថៃបានព្រមានដល់ប្រជាជនរបស់ខ្លួន ដែលជាពលករចំណាកស្រុកធ្វើការនៅប្រទេសអេហ្ស៊ិប ឱ្យប្រុងប្រយ័ត្នខ្ពស់បំផុត ចំពោះគ្រោះថ្នាក់ណាមួយដែលកើតឡើងដោយសារតែការបំផ្ទុះគ្រាប់បែក និងអំពើភេរវកម្ម។
ការព្រមានរបស់ក្រសួងការបរទេសថៃធ្វើឡើង បន្ទាប់ពីមានការវាយប្រហារមួយដោយការបំផ្ទុះគ្រាប់បែកទៅលើសហគមន៍គ្រឹស្ដស្ទីេន ដោយសម្លាប់មនុស្ស ២៥នាក់ កាលពីថ្ងៃអាទិត្យសប្ដាហ៍មុន។
ក្រសួងការបរទេសថៃបានជូនដំណឹងទៀតថា ពលរដ្ឋថៃដែលកំពុងធ្វើការងារនៅក្នុងប្រទេសអេហ្ស៊ិប ឬក៏អ្នកទេសចរណ៍ ត្រូវធ្វើដំណើរដោយមានការប្រុងប្រយ័ត្ននិងជៀសវាង ទៅកាន់តំបន់មួយចំនួន ដែលជាគោលដៅវាយប្រហារពីសំណាក់ពួកសកម្មប្រយុទ្ធ ។
សេចក្ដីជូនដំណឹងបានបញ្ជាក់ទៀតថា ប្រសិនបើមានហេតុការណ៍អ្វីមួយកើតឡើងត្រូវប្រញប់ទាក់ទងមកកាន់ស្ថានទូតរបស់ថៃដែលប្រចាំនៅទីក្រុងគែ ប្រទេសអេហ្ស៊ិប ឱ្យបានទាន់ពេលវេលា ៕ The Nation
