ភ្នំពេញ៖នៅក្នុងបទសម្ភាសន៍ជាមួយវិទ្យុស្ត្រីFM 102 នៅថ្ងៃទី២៨ វិច្ឆិការ នេះ លោក សម រង្ស៊ី បានអះអាងថា បើការបោះឆ្នោតឆ្នាំ២០១៨ គណបក្សសង្គ្រោះជាតិរបស់លោក បានជ័យជម្នះដឹងនាំរដ្ឋាភិបាលគឺពិតជាមានការផ្ទេរអំណាចព្រោះថា សហគមន៍អន្តរជាតិ គេមិនអោយប្រទេសកម្ពុជាមានទ័ពឧទ្ទាមនោះទេ។
លោកមានទំនុកចិត្តដូចនេះដោយសារតែលោកមាន ក្ដីសង្ឃឹមលើប្រព័ន្ធបោះឆ្នោតថ្មី ដែលមានភាពសុក្រឹត និងគ្មានឈ្មោះស្ទួន ឬឈ្មោះខ្មោច ដូចអាណត្តិមុនៗនោះទេ។ តែយ៉ាងណា ក៏ដោយលោកថា លោកត្រូវតែវិលមកកម្ពុជានៅពេល កាលៈទេសៈ មកដល់ ដោយមធ្យោបាយណាក៏ដោយ។
ថ្មីៗនេះអ្នកនាំពាក្យបក្សកាន់អំណាច បានអះអាងប្រាប់វិទ្យុស្ត្រីថា បក្សកាន់អំណាចនៅតែឈ្នះការបោះឆ្នោត ព្រោះពលរដ្ឋនៅតែមានជំនឿលើការដឹកនាំរបស់គណបក្សប្រជាជនកម្ពុជាទៅមុខទៀត ខណៈអ្នកនាំពាក្យរូបនេះបានបដិសេធអ្វីដែលមេក្សប្រឆាំងរូបនេះតែងចោទបក្សនេះឈ្នះឆ្នោតដោយការលួចបន្លំ សន្លឹកឆ្នោត។ តែចំណែកលោក សម រង្ស៊ី វិញនៅតែអះអាងថា បក្សកាន់អំណាចអស់ផ្លូវឈ្នះឆ្នោតទៀតឡើយ។ ដើម្បីជ្រាបសូមស្ដាប់បទសម្ភាសន៍រវាងលោក នួន បូរិន ជាមួយលោក សម រង្ស៊ី ដូចតទៅ៖
