នៅសល់តែមួយសប្តាហ៍ទៀតប៉ុណ្ណោះ គណកម្មាធិការជាតិរៀបចំការបោះឆ្នោត ហៅកាត់ថា គ.ជ.ប នឹងបិទបញ្ចប់ការ ចុះឈ្មោះបោះឆ្នោត។ ពេលវេលាកាន់តែខិតជិតមកដល់នេះ អង្គការសង្គមស៊ីវិល ដែលធ្វើការឃ្លាំមើលពីការចុះឈ្មោះបោះឆ្នោតបានសម្តែងការព្រួយបារម្ភ ពីចំនួនអ្នកដែលចុះឈ្មោះបោះឆ្នោតនឹងមិនគ្រប់ចំនួនដូចការរំពឹងទុករបស់ គ.ជ.បព្រោះអ្នកមានសិទ្ធចុះឈ្មោះបោះឆ្នោតមានជាង៩លាន៦សែនាក់។ 
ឆ្លើយតបនឹងការលើកទ្បើងនេះដែរ អគ្គលេខាធិការរងគ.ជ.ប លោក សោម សូរីដា មានប្រសាសន៍ថាតួលេខអ្នកដែលមិនទាន់បានមកចុះឈ្មោះបោះឆ្នោត គឺអាចមកពីបញ្ហាគ្រោះធម្មជាតិដូចជាទឹកភ្លៀងជាដើម ក៏ជាដើមចមធ្វើឱ្យពលរដ្ឋខកខានទៅចុះឈ្មោះបោះឆ្នោត ដែរ ហើយមួយវិញទៀតក៏ដោយសារតែពលរដ្ឋ ដែលចំណាកស្រុកទៅក្រៅប្រទេសមិនទាន់មកចុះឈ្មោះ ទើបធ្វើឱ្យតួលេខនៃការរំពឹងទុករបស់គ.ជ.ប អាចមានការយឺតយ៉ាវ។
ដើម្បីចង់ដឹងថាតើចាប់តាំងពីដាក់ឱ្យដំណើរការចុះឈ្មោះបោះឆ្នោតនេះ គ.ជ.ប ទទួលបានពលរដ្ឋចុះឈ្មោះបានចំនួនប៉ុន្មាននាក់ហើយនោះ? ។ តើក្នុងចំណោមអ្នកចុះឈ្មោះនេះដែរ គ.ជ.ប ទទួលបានពាក្យបណ្តឹងប៉ុន្មាន ហើយធ្វើការដោះស្រាយយ៉ាងណាហើយនោះ?បន្ថែមពីនេះទៅទៀតនោះថាតើ គ.ជ.ប នឹងមានយុទ្ធសាស្ត្រអ្វីបន្ថែមទៀតដើម្បីបង្កើនចំនួនអ្នកដែលមកចុះឈ្មោះបោះឆ្នោតឱ្យបាន ដូចតាមការគ្រោងទុករបស់ គ.ជ.ប នោះ។
ជាបន្តសូមស្តាប់បទសម្ភាសន៍រវាងលោក ជួន សារ៉េត អ្នករាយការណ៍ព័ត៌មានរបស់វិទ្យុស្ត្រី FM102 ជាមួយអគ្គលេខាធិការរងគ.ជ.ប លោក សោម សូរីដា ដូចតទៅ៖
