តៃវ៉ាន់ ៖ ឆ្មាំសមុទ្រកោះតៃវ៉ាន់បាននិយាយថា ខ្លួនគ្រោងនឹងរៀបចំធ្វើសមយុទ្ធជួយសង្គ្រោះ ដែលនឹងអនុវត្តនៅជុំវិញដែនទឹកតែមួយគត់ដែលទី ក្រុងតៃប៉ិកាន់កាប់ ស្ថិតក្នុងដែនសមុទ្រចិនខាងត្បូងដែលធ្លាប់មានជម្លោះជាមួយចិនកាលពីចុងខែនេះ ហើយសមយុទ្ធនេះអាចពាក់ព័ន្ធនឹងកងទ័ព ជើងទឹករបស់ខ្លួនផងដែរ។
ឆ្មាំសមុទ្របាននិយាយថា សមយុទ្ធនេះនឹងត្រូវប្រារព្ធធ្វើនៅជុំវិញដែនសមុទ្រ Itu Aba ដែលគេស្គាល់ជាភាសាតៃវ៉ាន់ថា កោះ Taiping ហើយសម យុទ្ធសង្គ្រោះនេះ នឹងរួមបញ្ចូលទាំងការសង្គ្រោះនាវាបុគ្គលិកផងដែរ។
រដ្ឋបាលឆ្មាំសមុទ្របានឱ្យដឹងក្នុងសេចក្តីថ្លែងការណ៍មួយថា៖«បច្ចុប្បន្ននេះ កងទ័ពជើងទឹកបានល្បាតជាទៀងទាត់ នៅក្បែរកោះ Taiping នេះ។ យើងមិនគ្រប់គ្រងកងទ័ពជើងទឹកដែលដើរតួនាទីគាំទ្រក្នុងការធ្វើសមយុទ្ធសង្គ្រោះមនុស្សជាតិដែលបានរៀបចំឡើងនៅក្បែរកោះ Taiping នាពេលខាងមុខនោះទេ។
ប្រទេសចិន ហ្វីលីពីន វៀតណាម ម៉ាឡេស៊ី និងប្រទេសប្រ៊ុយណេផងដែរ បានទាមទារដែនទឹកត្រួតស៊ីគ្នានៅក្នុងសមុទ្រចិនខាងត្បូងនេះ ព្រោះដែនទឹកនេះជាច្រកពាណិជ្ជកម្មមួយដែលអាចរកប្រាក់បាន ៥ពាន់ពាន់លានដុល្លារអាមេរិកដោយការឆ្លងកាត់នាវាជារៀងរាល់ឆ្នាំ។
ភាគច្រើនតៃវ៉ាន់ខំខាំមាត់សង្កត់ចិត្តបញ្ចៀសមិនឱ្យមានជម្លោះអ្វីជាមួយចិន និងប្រទេសជិតខាងរបស់ខ្លួនឡើយ ប៉ុន្តែការធ្វើសមយុទ្ធសង្គ្រោះដែលបានគ្រោងទុកនេះ គឺជាលើកដំបូងហើយចាប់តាំងពីប្រធានាធបតីថ្មី គឺលោកស្រី សៃ អ៊ីងវិន បានឡើងកាន់អំណាចកាលពីខែឧសភា។
កាលពីខែកក្កដា តុលាការមជ្ឈឹត្តការអន្តរជាតិបានវិនិច្ឆ័យដោយសម្រេចចាត់ថ្នាក់កោះ ITU Aba មួយនេះគឺថ្មមួយដែលមិនអាចចាត់ជាកោះបាន។
យ៉ាងណាឆ្មាំសមុទ្រកោះតៃវ៉ាន់បានល្បាតត្រួតពិនិត្យដោយផ្ទាល់ទៅលើតំបន់ ITU Aba នេះតាំងពីឆ្នាំ ២០០០មកម្ល៉េះ ខណៈឆ្មាំសមុទ្រទទួលបានជំនួយពីយោធាតៃវ៉ាន់។ ឆ្មាំសមុទ្រជាង ១០០ នាក់បានឈរជើងនៅសមុទ្រ ITU ABA នោះ។
