លោក ដូណាល់ ត្រាំ រកឃើញរដ្ឋមន្ត្រីការបរទេសរបស់លោកហើយគឺលោក Mitt Romney បេក្ខជនចាញ់ឆ្នោតលោកអូបាម៉ា កាលពីឆ្នាំ២០១២ ដែលបុគ្គលរូបនេះ ត្រូវគេពណ៌នា ថាជាអ្នកប្រឆាំងមេដឹកនាំផ្ដាច់ការយ៉ាងខ្លាំងក្លា។
អនុប្រធានាធិបតីជាប់ឆ្នោត របស់លោកដូណាល់ ត្រាំ គឺលោក Mike Pence បានបញ្ជាក់ថា លោក Mitt Romney កំពុងត្រូវបាន ពិចារណាកាន់តំណែងដ៏សំខាន់នេះ។
តាមលោក Mike Pence បានទៅជួបលោក ដូណាល់ ត្រាំ កាលពីថ្ងៃសៅរិ៍ ទី១៩ វិច្ឆិកា ដែលអ្នកទាំង២បាន ឈានដល់ការដោះដូរទស្សនៈជាច្រើនជុំវិញ ស្ថានភាពប្រទេសជាតិ និង ពិភពលោក។ តែបើតាម បណ្ដាញផ្សាយព័ត៌មាន Fox News លោក ដូណាល់ ត្រាំ ក៏កំពុងពិចារណា បេក្ខជនជាច្រើនទៀតដែរសម្រាប់តំណែងនេះ។
Mitt Romney បានចាញ់ឆ្នោត លោក អូបាម៉ា កាលពីឆ្នាំ២០១២។ នៅក្នុងយុទ្ធនាការ រកសំឡេងឆ្នោត នៅពេលនោះ លោក Mitt Romney បានបញ្ចេញវោហារសាស្ត្រធ្ងន់ៗប្រឆាំង មេដឹកនាំប្រទេសណាដែលផ្កាច់ការ។
តំណែងសំខាន់ដែលជាអាយុជីវិតនៃសេតវិមាន របស់អាមេរិក គេអាចរាប់ រដ្ឋមន្ត្រីការបរទេសមនុស្ស ទីមួយ និងរដ្ឋមន្ត្រីក្រសួងការពារជាតិជាមនុស្សទីពីរ និង ទីបីរដ្ឋមន្ត្រីក្រសួងយុត្តិធម៌។ រដ្ឋមន្ត្រីទាំង៣នេះគឺសេនាធិការផ្ទាល់របស់ប្រធានាធិបតី។ ប្រធានាធិបតីអាមេរិក គឺជាអគ្គមេបញ្ជាការកំពូលនៃកងទ័ពអាមេរិក៕