ភ្នំពេញ៖គេតែងនិយាយថា ទូកមួយដែលខ្លាំងទទួលបានជ័យជំនះបណ្តាលមកពីទូកនោះមានបារមីកាន់ខ្លាំង ពូកែបូករួមនឹងកីឡាករមានកម្លាំងស្វាហាប់។ យ៉ាងណាមិញក្រៅពីតេជៈបារមីកាន់ទូក និងកីឡាករមានកម្លាំងកាយមាំមួនហើយនោះចុងភៅដែលជាអ្នកដាំស្លឱ្យកីឡាករ ក៏ជាបុគ្គលមួយដ៏សំខាន់ផងដែរ ជួយជំរុញឱ្យទូកទទួលបានជោគជ័យ។
ប្រសិនបើម្ហូបអាហារ ដែលកីឡាករទទួលទានគ្មានអនាម័យ មិនមានសារជាតិជំនួយដល់កម្លាំងកីឡា ករនោះក៏ធ្វើឱ្យកីឡារគ្មានកម្លាំងទៅអុំប្រណាំងជាមួយទូកដទៃផងដែរ។ ចុងភៅទូកងមួយចំនួនដែលវិទ្យុស្ត្រីបានសម្ភាសន៍បានឱ្យដឹងថា ដើម្បីធ្វើឱ្យកីឡាករ ចំណុះទូកមានកម្លាំងពួកគាត់បានគិតគូរខ្លាំងពីមុខម្ហូបថាម្ហូបមួយណាផ្តល់កម្លាំងខ្លាំង ម្ហូបបែបណាដែលមិនគួរឱ្យកីឡាករទទួលទានហើយអ្វីដែលសំខាន់នោះ គឺបញ្ហាអនាម័យ គឺពួកគាត់គិតគូខ្លាំងបំផុតក្រែងកីឡាករកើតរោគចុករាគអំឡុងពេលប្រណាំង។
កញ្ញា ឆេង ណាតា ដែលបានចុះទៅជួបចុងភៅទាំងនោះ បានរៀបរៀងបទយកការណ៍ដោយមានដូចតទៅ៖
