យាំងហ្គន៖កងទ័ពរដ្ឋាភិបាលបានប្រាប់ថា យ៉ាងតិចពួកបះបោរ មកពីសហគមន៍ រ៉ូហ៊ីងយ៉ា ចំនួន២៥នាក់ត្រូវបានបាញ់សម្លាប់ក្នុងហេតុការណ៍វាយប្រហារមួយកាលពីថ្ងៃអាទិត្យចុងសប្ដាហ៍ នៅរដ្ឋ រ៉ាក់ឃិន ភាគខាងជើងនៃប្រទេស។
តាមបណ្ដាញផ្សាយព័ត៌មាន BBC ការវាយប្រហារនេះបានកើតឡើងនៅពេលដែលពួកកងទ័ពត្រូវបានរាយការណ៍មកថា ឡោមព័ទ្ធដោយពួកសកម្មប្រយុទ្ធហើយទ័ពដែលជាចំណាប់ខ្មាំងនោះបានហៅទ័ព អា កាសមកជួយអន្ដរាគមន៍។ ប្រភពដដែលនេះបញ្ជាក់ទៀតថាមនុស្សស្លាប់មិនត្រឹមតែកងទ័ពនោះទេ ពោលគឺមានកុមារនិងស្ត្រីថែមទៀតផង។
តែពួកយោធាអះអាងថា ហេតុការណ៍នេះគឺជាការណ៍កើតឡើងដោយសារតែរដ្ឋាភិបាលចង់បោស សំអាតពួកសកម្មប្រយុទ្ធប៉ុណ្ណោះ ។
តាមអង្គការសិទ្ធិមនុស្ស Human Rights Watch យ៉ាងតិចលំនៅដ្ឋានតូចៗរបស់សហគមន៍ រ៉ូហ៊ីងយ៉ា១៣០០នាក់ ត្រូវបានដុតបំផ្លាញ ពោលគឺចាប់តាំងពីខែតុលាមក។
កាលពីឆ្នាំ ២០១២ អំពើបះបោរមួយបានកើតឡើងនៅសហគមន៍ រ៉ូហ៊ីងយ៉ា ក្នុងរដ្ឋ រ៉ាក់ឃីន ដោយសម្លាប់មនុស្សជាង ២០០នាក់ ដែលភាគច្រើនពួកគេគឺជាសហគមន៍មូស្លីម រ៉ូហ៊ីងយ៉ា៕ប្រភព:BBC