យាំងហ្គន៖រដ្ឋាភិបាលមីយ៉ាន់ម៉ា (ភូមា) បានសារភាពថា ខ្លួនពិតជាបានបាញ់ប្រហារទៅលើភូមិមួយរបស់សហគមន៍មូស្លីមរ៉ូហ៊ីងយ៉ាដោយការបាញ់ពីលើអាកាសពិតមែន។ បណ្ដាញផ្សាយព័ត៌មានរបស់ភូមាបាននិយាយថា មានការប៉ះទង្គិះគ្នាមួយរវាងកងទ័ពនិងពួកមូស្លីមរ៉ូហ៊ីងយ៉ាដែលបណ្ដាលឲ្យទាហ៊ានរបស់រដ្ឋាភិបាលពីរនាក់ស្លាប់ និងពួកសកម្មប្រយុទ្ធ ៦នាក់ស្លាប់។
តាមបណ្ដាញផ្សាយព័ត៌មាន BBC ការវាយប្រហារនេះបានកើតឡើងនៅពេលដែលពួកកងទ័ពត្រូវបានរាយការណ៍មកថា ឡោមព័ទ្ធដោយពួកសកម្មប្រយុទ្ធហើយទ័ពដែលជាចំណាប់ខ្មាំងនោះបានហៅទ័ពអាកាសមកជួយអន្ដរាគមន៍។
តាមអង្គការសិទ្ធិមនុស្ស Human Rights Watch យ៉ាងតិចណាស់លំនៅដ្ឋានតូចៗរបស់សហគមន៍រ៉ូហ៊ីងយ៉ាត្រូវបានដុតបំផ្លាញ ពោលគឺចាប់តាំងពីខែតុលាមកម្លេះ។
កាលពីឆ្នាំ ២០១២ អំពើបះបោរមួយបានកើតឡើងនៅសហគមន៍រ៉ូហ៊ីងយ៉ាក្នុងរដ្ឋ រ៉ាក់ឃីន ដោយសម្លាប់មនុស្សជាង ២០០នាក់ ភាគច្រើនពួកគេគឺជាសហគមន៍មូស្លីម រ៉ូហ៊ីងយ៉ា៕ប្រភព:BBC
