ប៉េកាំង៖លោកប្រធានាធិបតីចិន ស៊ី ជីនពីង បានប្រាប់ទៅលោក ដូណាល់ត្រាំ ប្រធានាធិបតីជាប់ឆ្នោតសហរដ្ឋអាមេរិកថា ជម្រើសដ៏ល្អរវាងអាមេរិក និងចិន គឺលោកត្រូវបន្ដសហប្រតិ បត្តិការរវាងប្រទេសទាំង២ទៅមុខទៀតដែលលោកចង់និយាយថាជាជាងបង្ករឿង។ លោក ស៊ី ជីនពីង បានបញ្ជាក់ដូចនេះតាមរយៈការសន្ទនាតាមប្រព័ន្ធទូរស័ព្ទនៅថ្ងៃចន្ទ ទី១៤ វិច្ឆិកានេះហើយដែលស្រង់មកចុះផ្សាយដោយទីភ្នាក់ងារសារព័ត៌មានរ៉យទ័រ ។
ការថ្លែងរបស់លោក ស៊ី ជីនពីង ស្របពេលដែលក្រសួងការបរទេសចិនក៏បានចេញសេចក្ដីប្រកាសនិយាយពីចំណងទាក់ទងទ្វេភាគីចំពោះរដ្ឋាភិបាលថ្មីជាមួយនិងរដ្ឋកាលប្រធានាធិបតី ដូណាល់ត្រាំ ។
ក្រសួងការបរទេសចិនបានប្រាប់ថា ក្រុងប៉េកាំងចង់បានតែម្យ៉ាងគត់គឺទំនាក់ទំនងទ្វេភាគីដោយស្មើ ភាព។ ចំណែកឋលោក ដូណាល់ត្រាំ បាននិយាយថា លោកក៏ចាំបាច់បន្ដសហប្រតិបត្តិការជាមួយចិនដែរ។ ប៉ុន្ដែអាមេរិកត្រូវការពិនិត្យឡើងវិញលើកិច្ចព្រមព្រៀងពាណិជ្ជកម្មទ្វេភាគីជាមួយចិន ហើយនឹងពិនិត្យយកពន្ធឡើងវិញ ។
អ្នកសង្កេតការណ៍ធ្លាប់ព្រមានថា ជម្លោះពាណិជ្ជកម្មរវាងអាមេរិកនិងចិន ទំនងនិងកើតឡើងក្នុងអន្ដរ កាលរបស់ប្រធានាធិបតី ដូណាល់ត្រាំ ប្រសិនបើអាមេរិករុះរើកិច្ចព្រមព្រៀងពាណិជ្ជកម្មទ្វេភាគី ៕ប្រភព:Reuters
