ស៊ូ ចូវ៖ប្រធានការិយាល័យទំនាក់ទំនងអន្តរជាតិនៃសាកលវិទ្យាល័យ ណាន ជីង (Nanjng) ប្រទេសចិន លោក JI Dafu ជំរុញឱ្យនិស្សិតកម្ពុជាដាក់ពាក្យប្រទ្បងយកអាហារូបករណ៍មកសិក្សានៅប្រទេសចិនឱ្យបានកាន់តែច្រើនថែមទៀតខណៈបច្ចុប្បន្នមាននិស្សិតកម្ពុជាតែ ០៤ រូបប៉ុណ្ណោះកំពុងសិក្សា។
ការថ្លែងដូចនេះធ្វើទ្បើងនៅក្នុងពិធីជួបសំណេះសំណាលមួយរវាងអ្នកសារព័ត៌មានមកពីប្រទេសកម្ពុជានិងថ្នាក់ដឹងនាំរបស់សាកលវិទ្យាល័យណានជីងប្រចាំប្រទេសចិនកាលពីថ្ងៃទី ០៧ ខែវិច្ឆិកា ឆ្នាំ២០១៦។ ប្រធានការិយាល័យទំនាក់ទំនងអន្តរជាតិនៃសាកលវិទ្យាល័យណាន ជីង លោក JI Dafu បានមានប្រសាសន៍តាមរយៈអ្នកបកប្រែថា ប្រទេសចិននិងប្រទេសកម្ពុជាគឺជាមិត្តសម្លាញ់និងគ្នាតាំងពីយូរណា ស់មកហើយ។ លោកថាដើម្បីឱ្យចំណងមិត្តភាពកាន់តែមានលក្ខណៈល្អប្រសើរថែមទៀតនោះសាកល វិទ្យាល័យណានជីងក៏បានជ្រើសរើសនិស្សិតបរទេសឱ្យចូលសិក្សានៅសាកលវិទ្យាល័យណានជីងតាមរយៈការដាក់ពាក្យប្រទ្បងយកអាហាររូបករណ៍។
ការដាក់ពាក្យប្រទ្បងយកអាហារូបករណ៍នេះក៏មាននិស្សិតកម្ពុជាចំនួន០៤រូបផងដែរកំពុងតែសិក្សានៅសាកលវិទ្យាល័យណានជីងហើយក្នុងចំ ណោមនិស្សិតកម្ពុជា០៤រូបនេះមានស្ត្រី០១រូបផងដែរ។ លោក JI Dafu បានសម្តែងការសោកស្តាយដែលមាននិស្សិតកម្ពុជាតិចតួចនៅទ្បើយដែលទទួលបានអាហាររូ បករណ៍មកសិក្សានៅសាកលវិទ្យា ល័យណានជីងដោយលោកយល់ឃើញថាមូលហេតុដែលមាននិ ស្សិតកម្ពុជាមកសិក្សានៅមានកម្រិតនេះ ទំនងមកពីការផ្សព្វផ្សាយព័ត៌មានអាហារូបករណ៍របស់សាក លវិទ្យាល័យនៅណានជីងក្នុងប្រទេសកម្ពុជានៅមានកម្រិតនៅទ្បើយ ។ លោកអំពាវនាវឱ្យនិស្សិតកម្ពុជាត្រូវស្វែងរកអាហារូបករ ណ៍របស់សាកលវិទ្យាល័យណាន ជីង តាមរយៈគេហទំព័រ www.nju.ed.cn។
លោក JI Dafu គូសបញ្ជក់ដែរថា សាកលវិទ្យាល័យណានជីងរង់ចាំស្វាគមន៍និស្សិតកម្ពុជាមកសិក្សាបន្តនៅប្រទេសចិនដើម្បីបង្កើនទំនាក់ទំនងរវាងរដ្ឋាភិបាលចិននិងរដ្ឋាភិបាលកម្ពុជាឱ្យកាន់តែរឹងមាំបន្ថែមទៀតជាពិសេសសាកលវិទ្យាល័យណានជីងមានគម្រោងពង្រីកកិច្ចសហប្រតិបត្តិការជាមួយសាកល វិទ្យាល័យនៅកម្ពុជាដើម្បីផ្លាស់ប្តូរការសិក្សារបស់និស្សិតទៅវិញទៅមកផងដែរ។
សូមជំរាបថានាពេលបច្ចុប្បន្នមាននិស្សិតបរទេសចំនួនជាង ៣០០០ពាន់នាក់កំពុងសិក្សានៅសាកលវិ ទ្យាល័យណានជីងហើយក្នុងចំណោមនិស្សិតជាង ៣០០០ពាន់នាក់នេះពាក់កណ្តាលមកពីប្រទេសក្នុងតំបន់អាស៊ានក្នុងនោះដែរមាននិស្សកម្ពុជាចំនួន ០៤រូប ប្រុស ០៣ ស្រី ០១ ដែលសិក្សាទៅលើជំនាញគ្រប់គ្រងជំនាញច្បាប់និងជំនាញពាណិជ្ជកម្ម៕
