ភ្នំពេញ៖ កាលពីព្រឹកថ្ងៃព្រហស្បតិ៍ទី២៧តុលានេះលោក ដានីញែល រ៉ូសសែល(Daniel Russel) ឧបការីក្រសួងការបរទេសអាមេរិកទទួលបន្ទុក កិច្ចការ តំបន់អាស៊ី បានពិភាក្សាការងារជាមួយលោក កឹម សុខា ប្រធានស្ដីទីគណបក្សសង្គ្រោះជាតិ។
ក្នុងជំនួបនោះ ក៍មានលោកស្រី មួរ សុខហួរ ប្រធានគណៈកម្មាការកិច្ចការទំនាក់ទំនងសាធារណៈ នៃគណបក្សសង្គ្រោះជាតិ ផងដែរ។ លោកស្រីបានផ្ដល់បទសម្ភាសន៍ ជាមួយវិទ្យុស្ត្រី ថាលោក ដានីញែល រ៉ូសសែល បានប្រាប់ថា ការបោះឆ្នោតខាងមុខត្រូវតែមានវត្តមាន លោក សម រង្ស៊ី និង លោក កឹម សុខា ទើបលទ្ធផលបោះឆ្នោត ត្រូវបានទទួលស្គាល់ជា អន្តរជាតិ។ លោកស្រីបន្តថា លោក កឹម សុខា ក៏បានទទូចឱ្យអាមេរិក ឆាប់ស្រោចស្រង់ នយោបាយ នៅកម្ពុជាឡើងវិញ។
តាម ហ្វេសប៊ុករបស់លោក កឹម សុខា ជំនួបនេះបានផ្ដោតលើ ៣ចំនុចសំខាន់ៗ ដូចនេះ៖
១.ស្ថានភាពនយោបាយកម្ពុជាបច្ចុប្បន្ន និងជំហររបស់សហរដ្ឋអាមេរិក
២.ការបោះឆ្នោត៖ ខ្ញុំបានស្នើសុំឲ្យសហរដ្ឋអាមេរិកជួយ ឲ្យបានខ្លាំងក្លាជុំវិញការបោះឆ្នោតនៅកម្ពុជា ទាំងមុនថ្ងៃបោះឆ្នោត ថ្ងៃបោះឆ្នោត និងក្រោយថ្ងៃបោះឆ្នោត ឆ្នាំ២០១៧ និងឆ្នាំ២០១៨។ ពិសេសសូមឲ្យបញ្ជូនអ្នកសង្កេតការណ៍បោះឆ្នោតមកឲ្យបានច្រើន។
៣.ជំហរនយោបាយការបរទេស របស់គណបក្សសង្គ្រោះជាតិ នៅពេលដែលដឹកនាំរាជរដ្ឋាភិបាល។
ដើម្បី ជ្រាបសូមស្ដាប់ បទសម្ភាសន៍ខ្លីមួយរវាង កញ្ញា ជុំ ជោកជាតា និងលោកស្រី មួរ សុខហួរ ដូចតទៅ៖
