ប្រធានាធិបតីហ្វីលីពីន Rodrigo Duterte បានទាញចំហររបស់ខ្លួនត្រឡប់មកក្រោយវិញ ចំពោះសម្ព័ន្ធមិត្តជាមួយសហរដ្ឋអាមេរិក នៅពេលដែលលោក ត្រូវចេញដំណើរធ្វើទស្សនកិច្ចទៅកាន់ប្រទេសជប៉ុន។
ការ រេចំហរ របស់មេដឹកនាំហ្វីលីពីនរូបនេះ ស្របពេលដែលឧបការីក្រសួងការបរទេស លោក ដានីញែល រ៉ូហ្សេល បានទៅសួរនាំរដ្ឋាភិបាលហ្វីលីពីន ដោយផ្ទាល់ពីបំណងដែលចង់ផ្ដាច់ចំណងទាក់ទងជាមួយអាមេរិក។
លោក Duterte បានប្រាប់បណ្ដាញផ្សាយព័ត៌មានប្រទេសជប៉ុន កាលពីថ្ងៃចន្ទថា អាមេរិកនៅតែជាសម្ព័ន្ធភាពជាមួយអាមេរិកនៅតែរស់រានមានជីវិត គឺគេមិនត្រូវបារម្ភអំពីការប្រែប្រួលសម្ព័ន្ធភាពនេះទេ តែហ្វីលីពីន ក៏មិនចាំបាច់ត្រូវមានសម្ព័ន្ធភាពប្រទេសដទៃទៀតដែរ។
ការប្រកាសជំហររបស់មេដឹកនាំហ្វីលីពីន ធ្វើអោយនាយករដ្ឋមន្ដ្រីជប៉ុន Shinzo Abe ស្វាគមន៍ភ្លាម ដោយក្រុងតូក្យូសន្យាថា ខ្លួននៅបន្ដចងសម្ព័ន្ធភាពជាមួយហ្វីលីពីនថែមទៀត។
កាលពីសប្ដាហ៍មុន លោក Duterte ដែលបានធ្វើទស្សនកិច្ចនៅទីក្រុងប៉េកាំង ហើយបានជួបជាមួយសមភាគីចិន ស៊ីជីនពីង លោក បានថ្លែងចំអកអោយអាមេរិក ដោយថា លាហើយអាមេរិក។
ពាក្យមួយម៉ាត់របស់លោក Duterte បានផ្ដើមឱុ្យអាមេរិកចោទសួរ ហើយមិនត្រឹមតែអាមេរិកទេ គឺ ជប៉ុន មានការអាក់អន់ចិត្តផងដែរ តែទីបំផុតរដ្ឋាភិបាលក្រុងម៉ានីលនិយាយកែខ្លួនវិញ ដោយអះអាងថា អ្វីដែលលោក Duterte បាននិយាយនោះ គឺ មិនគ្រប់ជ្រុងជ្រោយនោះទេ មានន័យថា លោកគ្រាន់តែជួសជុល ចំណងទាក់ទងជាមួយអាមេរិកវិញតែប៉ុណ្ណោះ ។
នៅថ្ងៃនេះ លោក Duterte នឹងទៅដល់ទីក្រុងតូក្យូ ដោយគេរំពឹងថា លោកនាយករដ្ឋមន្ដ្រី ស៊ិន សូអាបេ នឹងបញ្ជាក់ពីជំហរ របស់ទីក្រុងតូក្យូដែលត្រូវ ចងសម្ព័ន្ធភាពជាមួយនឹងទីក្រុងម៉ានីល៕ប្រភព:CNA