ញូដេលី ៖ ប៉ូលីសឥណ្ឌា នៅថ្ងៃចន្ទទី ២៤ តុលានេះ បានសម្លាប់ពួកម៉ៅនិយមយ៉ាងតិចណាស់ ១៨ នាក់ក្នុងការបាញ់ប្រហារតទល់គ្នាជាមួយពួកឧទ្ទាមម៉ៅនៅភាគខាងកើតប្រទេសឥណ្ឌា។ មន្ត្រីអាជ្ញាធរក្នុងស្រុកម្នាក់និយាយថា ការប៉ះទង្គិចគ្នាដែលបណ្តាលឱ្យមានសម្លាប់នៅរយៈ ពេលចុងក្រោយនេះ គឺកើតចេញពីការបះបោរដោយពួកម៉ៅនិយម ដែលបានបង្កជាកុបកម្មយូរណាស់មកហើយ។
ប៉ូលីសបាននិយាយថា ក្រុមម៉ៅនិយមដែលមានគ្នាប្រមាណ ៤០នាក់ បានស្ទាក់វាយប្រហារមកលើប៉ូលិសនៅជិតព្រំដែននៃរដ្ឋ អូឌីសា(Odisha) និងរដ្ឋ អានត្រា ប្រាដែស(Andhra Pradesh) ដែលបានបង្កជាការប្រយុទ្ធគ្នាមួយ។
ការបះបោររបស់ពួកម៉ៅនិយមក្នុងប្រទេសឥណ្ឌាបានចាប់ផ្តើមតាំងពីឆ្នាំ ១៩៦០ មកម្ល៉េះ ដែលការបះបោរនេះ កើតចេញពីការបំផុសគំនិតដោយមេដឹកនាំបដិវត្តន៍ចិន គឺលោក ម៉ៅ សេទុង ។
ពួកក្រុមឧទ្ទាម ដែលជាការរៀបចំដោយអតីតនាយករដ្ឋមន្ដ្រីលោក ម៉ាន់ម៉ូហាន់ ស៊ីន(Manmohan Singh) គឺជាការគំរាមកំហែងយ៉ាងធ្ងន់ធ្ងរបំផុតដល់សន្ដិសុខផ្ទៃក្នុងរបស់ប្រទេសឥណ្ឌា។ ពួកក្រុមឧទ្ទាមនិយាយថាពួកគេកំពុងប្រយុទ្ធប្រឆាំងជាមួយអាជ្ញាធរសម្រាប់ដីជ្រកកោន ការងារ និង សិទ្ធិផ្សេងទៀតសម្រាប់ក្រុមកុលសម្ព័ន្ធក្រីក្រមួយនេះ៕ ប្រភព ៖ CNA
