វ៉ាស៊ីនតោន ៖ មន្ទីរបញ្ចកោណ (Pentagon) បានប្រកាសកាលពីថ្ងៃចន្ទ ទី១០ ខែតុលា ម្សិលមិញថា សហរដ្ឋអាមេរិកនឹងផ្តល់ជំនួយ ១០ លានដុល្លារអាមេរិក ដល់ប្រទេសកូឡុំប៊ី ដើម្បីជួយដល់កិច្ចខិតខំប្រឹងប្រែងក្នុងការបោសសំអាតគ្រាប់មីន និងយុទ្ធភណ្ឌមិនទាន់ផ្ទុះនៅប្រទេសអាមេរិចខាងត្បូងមួយនេះ។
មន្ទីរបញ្ចកោណបានចេញសេចក្តីថ្លែងការណ៍កាលពីថ្ងៃចន្ទថា លោករដ្ឋមន្ត្រីនៃក្រសួងការពារជាតិសហរដ្ឋអាមេរិក Ash Carter បានជូនដំណឹងតាមទូរស័ព្ទ ដល់រដ្ឋមន្ត្រីការពារជាតិកូឡុំប៊ី លោក Luis Carlos Villegas ថា សហរដ្ឋអាមេរិក ប្តេជ្ញាចិត្តដើម្បីជួយដល់កូឡុំប៊ី ក្នុងការបោសសំអាតគ្រាប់មីន។
អស់រយៈពេលជាច្រើនទសវត្សរ៍ មកហើយប្រទេសកូឡុំប៊ី បានឆ្លងកាត់ការវាយប្រយុទ្ធគ្នា រវាងកងកម្លាំងប្រដាប់អាវុធ ជាមួយក្រុមបះបោរផ្តាច់ទឹកដី ដែលបានបន្សល់ទុកនៅគ្រាប់មីន និងគ្រាប់បែកមិនផ្ទុះទាន់រាប់លានគ្រាប់ក្នុងប្រទេស៕
