ភ្នំពេញ៖ នាយករដ្ឋមន្ដ្រីថៃ Prayuth Chan-ocha នៅថ្ងៃព្រហស្បត្តិ៍ទី ១៥ កញ្ញា នេះ បានថ្លែងការពារ កំណត់ហេតុសិទ្ធិមនុស្សនៃរាជាណាចក្រមួយនេះ ដែលបានឡើងកាន់អំណាចតាមរយៈរដ្ឋ ប្រហារឆ្នាំ ២០១៤ គឺមុនលោកថ្លែងសុន្ទរកថា នៅឯមហាសន្និបាតអង្គការសហប្រជាជាតិខាងមុខនេះ។
តាមបណ្ដាញផ្សាយព័ត៌មាន Channel News Asia ប្រទេសថៃត្រូវបានសហគមន៍អន្ដរជាតិ និងអង្គការសិទ្ធិមនុស្សរិះគន់យ៉ាងខ្លាំង ដោយសារតែប្រើប្រាស់ច្បាប់យោធាបង្ក្រាបលើក្រុមអ្នកប្រជាធិបតេយ្យ។
លោក Prayuth បាននិយាយថា សិទ្ធិមនុស្សនិងប្រជាធិបតេយ្យនៅរាជាណាចក្រថៃ គឺ នៅគ្រានេះ ខុសពីអតីតកាលដែល សន្ដិភាព សន្ដិសុខ ស្ថិតនៅក្នុងស្ថានភាពគ្រោះថ្នាក់។ លោកបញ្ជាក់ទៀតថា តាមរយៈនៃការគ្រប់គ្រងរបស់រដ្ឋាភិបាលលោក គឺ មិនបានធ្វើអោយមានអំពើហិង្សាខាងនយោបាយកើតឡើងទេ។
រដ្ឋាភិបាលថៃ សន្យាថា នឹងមានរដ្ឋាភិបាល ជាប់ឆ្នោត ឡើងវិញ តាមរយៈការបោះឆ្នោត នៅចុងឆ្នាំ២០១៧ ៕ ប្រភព:CNA