ហាណូយ៖ នាយករដ្ឋមន្ដ្រីឥណ្ឌាលោក នរិន្ទត្រា ម៉ូឌី(Narendra Modi) បានឱ្យដឹងនៅថ្ងៃសៅរ៍ទី០៣សីហានេះថា ប្រទេសឥណ្ឌាចង់ផ្តល់ឥណទានប្រមាណ ៥០០លានដុល្លារ សម្រាប់កិច្ចសហប្រតិបត្តិការក្នុងវិស័យការពារជាតិវៀតណាម។ ការផ្តល់ឥណទាននេះ គឺជាសញ្ញាចុងក្រោយបំផុត នៃទំនាក់ទំនងកាន់តែជិតស្និទ្ធរវាងប្រទេសទាំងពីរ ខណៈវៀតណាមកំពុងមានភាពតានតឹងក្នុងជម្លោះសមុទ្រចិនខាងត្បូង ជាមួយប្រទេសចិន។
ឥណទានដែលផ្តល់ដោយលោក ម៉ូឌី ដែលជានាយករដ្ឋមន្ត្រីឥណ្ឌាដំបូង ដែលមកបំពេញទស្សនកិច្ចនៅទឹកដីវៀតណាមក្នុងរយៈពេល ១៥ ឆ្នាំចុងក្រោយនេះ។ ក្នុងចំណោមកិច្ចព្រមព្រៀងផ្តល់ឥណទាននេះដែល ឥណ្ឌាក៏បានចុះកិច្ចព្រមព្រៀងផ្សេងៗទៀត និងបានចុះហត្ថលេខាលើកិច្ចសហប្រតិបត្តិការជាមួយវៀតណាមផងដេរនៅទីក្រុងហាណូយ។ ការចុះហត្ថលេខានេះធ្វើឡើងរួមជាមួយសមភាគីវៀតណាមលោក ងៀង ស៊ុង ផុង(Nguyen Xuan Phuc) ។
វៀតណាមកំពុងតែបង្កើនយ៉ាងខ្លាំងក្លាលើវិស័យយោធាសំខាន់ៗមួយចំនួន ដែលក្រុមអ្នកវិភាគយល់ឃើញថា ការធ្វើបែបនេះជាការព្រមានមួយទៅកាន់ប្រទេសជិតខាង ពិសេសគឺចិនដែលចេះតែធ្វើការឈ្លានពានក្នុងសមុទ្រចិនខាងត្បូងនោះ៕ ប្រភព៖CNA
