ក្រុងតូក្យូ៖ ប្រទេសជប៉ុននឹងធ្វើការអភិវឌ្ឍប្រព័ន្ធមីស៊ីលដែលបាញ់ពីដីគោកទៅដែនសមុទ្រ ដែលការអភិវឌ្ឍនេះជាផ្នែកមួយនៃផែនការពង្រឹងវិស័យការពារជាតិរបស់ខ្លួននៅភាគខាងត្បូងនៃដែនកោះរបស់ជប៉ុន។
ការអភិវឌ្ឍនេះបានបង្កជាភាពតានតឹងផ្នែកយោធាជាមួយចិនលើដែនទឹកដែលកំពុងមានជម្លោះស្រាប់។
ប្រទេសចិននិងជប៉ុនមានជំលោះរយៈពេលជាយូរមកហើយ ដោយសារបញ្ហាជម្លោះលើកូនកោះគ្មានមនុស្សរស់នៅមួយ ដែលប្រទេសជប៉ុនហៅថា Senkaku ហើយចិនហៅថា Diaoyu ។
កាសែត Yomiuri Shimbun ដែលជាកាសែតលក់ដាច់ជាងគេក្នុងប្រទេសជប៉ុន បានរាយការណ៍ថាការ ដាក់ពង្រាយអាវុធរបស់ទីក្រុងតូក្យូនេះ ត្រូវបានគេរាយការណ៍មកថា មានចម្ងាយប្រមាណ ៣០០ គីឡូម៉ែត្រ នៅ ក្នុងខេត្តអូគីណាវ៉ា។
កាសែត Yomiuri ដដែរនេះបានបន្តថា ការពង្រាយកាំជ្រួចនឹងធ្វើឡើងរហូតឆ្នាំ ២០២៣។
ប្រភពដដែលនេះបន្តដា ៖« ប្រទេសចិនបានបង្ក ជំលោះនៅប្រជុំកោះសេនកាដោយធ្វើឱ្យជប៉ុន បង្កើនការពារដែនអាកាសកាន់តែខ្លាំង »។
ប្រទេសជប៉ុនបានធ្វើការតវ៉ាប្រឆាំងប្រទេសចិនតាំងពីខែមិថុនាបន្ទាប់ពី នាវាចម្បាំងកងទ័ពជើងទឹកចិនបានចេញដំណើរមកជិតដែលកោះសេនកាកូដែលបណ្ដាលឱ្យភាពតានតឹង កើតឡើងមកដល់ពេលនេះ៕
ប្រភព:CNA